Photo : ‘तयारी झाली सुरु…’, संजना अर्थात रुपाली भोसले लग्न बंधनात अडकणार?
‘आई कुठे काय करते’ या मालिकेत ‘संजना’ची भूमिका साकारणारी अभिनेत्री रुपाली भोसले लग्नबंधनात अडकल्याच्या चर्चेला उधाण आलं आहे. (‘Finally It's Happening…’, Rupali Bhosale getting married!)
मात्र बिग बॉसच्या घरातून बाहेर पडल्यानंतर तिनं अंकित मगरेच्या प्रेमात असल्याचं चाहत्यांना सांगितलं होतं. एवढंच नाही तर अनेक फोटोसुद्धा पोस्ट केले होते. आता रुपालीचा हा बॉस लेडी अंदाज चाहत्यांच्या पसंतीस उतरला आहे.
सोशल मीडियावर सक्रिय असणाऱ्या रुपालीने नुकतेच काही स्टायलिश फोटो शेअर केले आहेत.
मात्र तिनं तिच्या इन्स्टाग्राम स्टोरीवर एक मंगळसुत्र असलेला फोटो शेअर केला आहे आणि त्यावर ‘तयारी झाली सुरु..’ असं कॅप्शन दिलं आहे.
‘या गोजिरवाण्या घरात’ मालिकेतून रुपालीने मनोरंजन विश्वात पाऊल ठेवलं. त्यानंतर मन उधाण वाऱ्याचे, दोन किनारे दोघी आपण, दिल्या घरी तू सुखी रहा, स्वप्नांच्या पलिकडले, कुलस्वामिनी, कुलवधू, कन्यादान, वहिनीसाहेब यासारख्या असंख्य मालिकांमध्ये तिने लहान-मोठ्या भूमिका साकारल्या. कस्मे वादे, बडी दूर से आये है, तेनालीराम यासारख्या हिंदी मालिकांमध्येही ती झळकली. अगदी ‘रिस्क’ सिनेमातील छोटेखानी भूमिकेतून तिने बॉलिवूडची दारंही ठोठावली आहेत.
रुपाली भोसलेला मोठी ओळख मिळाली ती ‘बिग बॉस मराठी’च्या दुसऱ्या सिझनमध्ये. सुरुवातीला शिव-वीणा-किशोरी यांच्या गटात असलेल्या रुपालीची काही वादानंतर ताटातूट झाली. त्यानंतर परागसोबत तिची वाढती जवळीक गॉसिपचा विषय ठरत होती.
‘बिग बॉस मराठी’च्या पर्वात रुपाली भोसले आणि शेफ पराग कान्हेरे यांच्या मैत्रीची चर्चा खूप रंगली होती. मात्र, ‘बिग बॉस’च्या घरातून बाहेर आल्यानंतर तिने अंकित मगरेसोबत फोटो शेअर करत, आपण प्रेमात पडल्याचे सांगितले होते.
त्यानंतर तिने अंकितसोबत अनेक फोटो सोशल मीडियावर केले आहेत. आता तिच्या या इन्स्टाग्राम स्टोरीमुळे पुन्हा एकदा तिच्या लग्नाची चर्चा सुरू झाली आहे.
