Hair Care : थंडीत वाढतो कोंड्याचा त्रास ? करा ॲपल सायडर व्हिनेगरचा उपयोग
थंडीचे दिवस सुरू झाले आहेत. या ऋतूमध्ये केसांमध्ये कोंडा होणं ही सामान्य समस्या आहे. कोंड्यापासून मुक्ती हवी असेल तर तुम्ही ॲपल सायडर व्हिनेगरचा वापर करू शकता. हे केवळ आपल्या आरोग्यासाठी फायदेशीर नव्हे तर केसांच्या अनेक समस्यांपासून संरक्षण करण्याचे कार्य करते. ॲपल सायडर व्हिनेगरचा उपयोग कसा करावा हे जाणून घेऊया.
एक कप पाण्यात थोडे ॲपल सायडर व्हिनेगर घालावे. केस शांपूने धुतल्यानंतर हे पाणी घेऊन स्काल्पला मसाज करावा. 20 मिनिटांनंतर केस साध्या पाण्याने स्वच्छ धुवावेत.
ॲपल सायडर व्हिनेगर व लसूण - यासाठी प्रथम लसूण बारीक वाटून त्याचा रस काढावा. नंतर लसणाच्या रसामध्ये 2 चमचे ॲपल सायडर व्हिनेगर घालावे. ते स्काल्पला लावून 20 मिनिटे राहू द्यावे. त्यानंतर सौम्य शांपूने केस धुवावेत. ही कृती तुम्ही आठवड्यातून 1 ते 2 वेळा करू शकता.
ॲपल सायडर व्हिनेगर व दही - अर्धा कप दही घेऊन त्यामध्ये 1 चमचा ॲपल सायडर घालावे. हे मिश्रण नीट एकत्र करून स्काल्प लावावे व मसाज करावा. 30 ते 40 मिनिटांनंतर केस सौम्य शांपून धुवावेत.
ॲपल सायडर व्हिनेगर व कॅस्टर ऑईल - एक कप पाण्यात थोडे ॲपल सायडर व्हिनेगर मिसळा. त्यामध्ये 2-3 चमचे कॅस्टर ऑईल घालावे. हे मिश्रण नीट एकत्र करून स्काल्पला लावावे व मसाज करावा. थोड्या वेळानंतर केस स्वच्छ धुवावेत.