GK : ‘या’ देशांमध्येही मोठ्या प्रमाणात होतो भारतीय रुपयाचा वापर
Indian Rupee : प्रत्येक देशाचे एक वेगळे चलन असते, म्हणजे आपण त्या देशात फक्त दुसऱ्या देशाचे चलन वापरू शकत नाहीत. मात्र असे काही देश आहेत जिथे मोठ्या प्रमाणावर भारतीय रुपया वापरला जातो.
लीगल टेंडरची स्थिती : भारतीय रुपया भारताबाहेर अधिकृत 'लीगल टेंडर' नाही. याचा अर्थ इतर देशांमध्ये भारतीय चलन स्वीकारणे कायद्याने अनिवार्य नाही; मात्र, काही शेजारील देशांमध्ये आणि पर्यटन स्थळांवर ते सोयीसाठी स्वीकारले जाते.
भूतानमध्ये रुपयाचा वापर: भूतानमध्ये भारतीय रुपया सहज चालतो. भूतानचे चलन 'नगुलट्रम' आणि भारतीय रुपयाचे मूल्य समान (1:1) आहे. तिथले हॉटेल, टॅक्सी आणि दुकानदार भारतीय चलन स्वीकारतात.
नेपाळ : नेपाळमध्येही भारतीय रुपया मोठ्या प्रमाणावर चालतो. विशेषतः सीमावर्ती भाग आणि पर्यटन स्थळांवर भारतीय नोटा स्वीकारल्या जातात. मात्र, भूतानप्रमाणेच नेपाळमध्येही मोठ्या नोटांऐवजी लहान नोटा वापरणे चांगले असते.
श्रीलंका आणि मालदीव: श्रीलंकेत भारतीय रुपया अधिकृत नाही, पण काही प्रमुख पर्यटन स्थळांवर दुकानदार तो स्वीकारू शकतात. मालदीवमधील काही रिसॉर्ट्स आणि हॉटेल्समध्येही कधीकधी भारतीय रुपया स्वीकारला जातो.
इतर देश : युएई आणि सिंगापूरमधील काही भारतीय दुकानांवर भारतीय रुपया चालू शकतो. तसेच बांगलादेशच्या सीमावर्ती भागातील बाजारपेठांमध्येही काही लोक भारतीय चलन स्वीकारतात.
