GK : वाढदिवसाला केकवरील मेणबत्त्या का विझवल्या जातात?
Birthday : तुम्ही पाहिले असेल की, वाढदिवस साजरा करताना केकवर मेणबत्त्या ठेवून त्या पेटवल्या जातात. ज्याचा वाढदिवस आहे तो व्यक्ती फुंकर मारून त्या मेणबत्त्या विझवतो. हे असे का केले जाते ते जाणून घेऊयात.
प्राचीन ग्रीक परंपरा: वाढदिवसाला मेणबत्ती विझवण्याची ही परंपरा प्रामुख्याने प्राचीन ग्रीस मधून सुरू झाली आहे. मेणबत्तीचा प्रकाश हा 'जीवनाचा प्रकाश' मानला जातो आणि तो विझवून भविष्यातील चांगल्या आरोग्यासाठी व सौभाग्यासाठी प्रार्थना केली जाते.
ईश्वरापर्यंत इच्छा पोहोचवणे: अशी मान्यता आहे की, मेणबत्ती विझवल्यानंतर जो धूर वर जातो, तो तुमच्या मनातल्या इच्छा ईश्वरापर्यंत पोहोचवतो. जर सर्व मेणबत्त्या एकाच फुंकरीत विझल्या, तर त्या इच्छा लवकर पूर्ण होतात असे मानले जाते.
दुष्ट शक्तींपासून संरक्षण: काही संस्कृतींमध्ये असे मानले जाते की मेणबत्त्यांच्या धुरामुळे आजूबाजूला असलेल्या वाईट शक्ती किंवा दुष्ट आत्मे दूर पळतात, ज्यामुळे त्या व्यक्तीला संरक्षण मिळते.
नवीन सुरुवात: केकवर लावलेली प्रत्येक मेणबत्ती आयुष्यातील एका गेलेल्या वर्षाचे प्रतीक असते. त्यांना फुंकून विझवणे म्हणजे आपण गेलेल्या वर्षाला आनंदाने निरोप देत आहोत आणि नवीन वर्षाचे स्वागत करत आहोत, असा त्याचा अर्थ होतो.
पाश्चात्य संस्कृतीचा प्रभाव: भारतात पूर्वी वाढदिवस दीप लावून, पूजा-पाठ करून आणि गोड पदार्थ वाटून साजरा केला जात असे. मात्र, काळानुसार पाश्चात्य संस्कृतीचा प्रभाव वाढल्याने आता प्रत्येक घरात केक कापून आणि मेणबत्त्या विझवून वाढदिवस साजरा करण्याची पद्धत रुढ झाली आहे.
