Jalgaon Gold : जळगावच्या सराफा बाजारात सोने-चांदी चमकले; ग्राहकांच्या तोंडचे पाणी पळाले
Jalgaon Gold And Silver Price Today : जळगावच्या सराफ बाजारात सोन्याचे दर 80 हजारांच्या उंबरठ्यावर आहे. तर चांदीच्या दराची लाखांकडे वाटचाल सुरू आहे. या नवीन घडामोडीमुळे ग्राहकांच्या तोंडचे पाणी पळाले आहे. जगातली युद्धजन्य परिस्थिती तसेच आंतरराष्ट्रीय बँकांमधील व्याजदर या सर्व गोष्टींचा परिणाम दरवाढीवर दिसून येत आहे.
जळगाव सराफा बाजारात सोन्याचे दर ४५० रुपये, तर चांदीचे दर १६०० रुपयांनी घसरला. यापूर्वी बाजारात दोन्ही धातुत चढउताराचे सत्र दिसून आले. काही दिवसांपूर्वी या बाजारात दोन्ही धातुनी दरवाढीचा विक्रम केला होता.
सोन्याच्या दरात 1100 रुपयांची तर चांदीतही 1700 रुपयांची वाढ झाली आहे. सोने प्रति तोळा 77 हजार 300 रुपये अशा नव्या उच्चांकी भावावर पोहोचले तर चांदी 93 हजार रुपये प्रति किलोवर पोहोचली आहे.
सोने-चांदीचा भाव काय
ताज्या घडामोडीनुसार सोन्याचे दर ७९ हजार १५० रुपयांवर आले तर चांदीचे दर ९६ हजार ७०० रुपयांपर्यंत घसरला. त्यामुळे सराफा बाजारपेठ ग्राहकांच्या गर्दीने फुलून गेली. दिवाळीच्या काळात सोने खरेदी शुभ मानण्यात येते.
तर आगामी काळामध्ये सोन्याचे दर 80 हजारांवर तर चांदी लाखांचा टप्पा ओलांडेल असं मत सुद्धा सुवर्णव्यवसायिक यांनी व्यक्त केले आहे.
दिवाळीच्या इतर मुहूर्तावरही भाव कमी राहिल्यास ग्राहकांचा खरेदीचा आनंद द्विगुणित होऊ शकतो. खरेदी आणखी वाढण्याची शक्यता वर्तविली जात आहे.
