AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Maharashtra News LIVE : मुंबईकरांनो पाणी जपून वापरा, गतवर्षीच्या तुलनेत साठ्यात १३ टक्के घट!

| Updated on: Nov 16, 2026 | 8:30 AM
Share

Maharashtra News LIVE : राज्यात अनेक ठिकाणी दुष्काळ घोषित केला असून पाण्याची टंचाई राज्यात सर्वत्र भासत आहे. तर मुंबईकरांना पाणी जपून वापण्यासाठी आवाहन करण्यात आलं आहे... ऊस उत्पादक शेतकऱ्यांच्या विविध मागण्यांसाठी आज स्वाभिमानी शेतकरी संघटनेचे नेते राजू शेट्टी यांच्या उपस्थितीत धाराशिव जिल्ह्यातील येडशी टोलनाका येथे रास्ता रोको आंदोलन करण्यात येणार आहे. यासहित जगासहित देशातील विविध घडामोडी जाणून घ्या.

Maharashtra News LIVE : मुंबईकरांनो पाणी जपून वापरा, गतवर्षीच्या तुलनेत साठ्यात १३ टक्के घट!

LIVE NEWS & UPDATES

  • 16 Nov 2026 08:30 AM (IST)

    निफाड तालुक्यात थंडीचा कडाका वाढला

    निफाड तालुक्यात थंडीचा कडाका वाढला आहे, उत्तरेकडून येणाऱ्या थंड वाऱ्यांमुळे किमान तापमानात घसरण झाली आहे.  कुंदेवाडी गहू संशोधन केंद्रात ११ अंश सेल्सिअस तापमानाची नोंद करण्यात आली आहे, तर ओझरमध्ये किमान तापमान १०.५ अंश सेल्सिअसवर पोहोचलं आहे, पहाटे आणि रात्री गारठा वाढल्याने नागरिकांना हुडहुडी भरली आहे. थंडीपासून बचावासाठी ठिकठिकाणी शेकोट्या पेटल्या असून  गरम चहा, कॉफी आणि खाद्यपदार्थांना नागरिकांनी पसंती दिली आहे.

  • 16 Nov 2026 08:28 AM (IST)

    भोकरदन तालुक्यात कापसाचा भाव 9200 रुपये प्रति क्विंटल वर, मात्र आवक मंदावली

    जालना जिल्ह्यासह संपूर्ण मराठवाड्यात निर्माण झालेल्या दुष्काळी परिस्थितीमुळे यंदा कापसाच्या उत्पादनात मोठी घट झाली, मात्र जालना जिल्ह्यातल्या भोकरदन तालुक्यात दिवाळीपूर्वी 9000 रुपयांच्या खाली असलेला भाव आता9 हजार 200 रुपया पर्यंत पोहोचलाय, मात्र यंदा उत्पादनच घटल्यामुळे शेतकरी बांधव आपला कापूस विक्रीसाठी आणण्याऐवजी घरात आणि गोदामातच साठवून ठेवत आहे त्यामुळे यापेक्षाही भाव वाढेल अशी अपेक्षा शेतकरी बां मागील वर्षीएकरी 15 ते 20 क्विंटल होणारा कापूस आता केवळ 5 क्विंटल वर आल्याने शेतकऱ्यांना मोठा आर्थिक फटका बसतोय.

  • 16 Nov 2026 08:28 AM (IST)

    पंढरपूर तालुक्यातील आंबे येथील विहीर दुर्घटनेतील बावीस तासानंतरही शोध कार्य सुरूच

    पंढरपूर तालुक्यातील आंबे येथील विहीर दुर्घटनेतील बावीस तासानंतरही शोध कार्य सुरूच आहे. दरम्यान रात्री दोन वाजता दोन मृतदेह सापडले आहेत तर आणखी दोघांचा शोध सुरू आहे काल सकाळी दहा वाजता आंबे येथील एका विहिरीचा कटडा कोसळून चार मजूर गाडले गेले होते काल दिवसभर शोध मोहीम सुरू होती काल सायंकाळी एनडीआरएफ ची टीम दाखल झाल्यानंतर शोध कार्य जोमाने सुरू झाले यादरम्यान रात्री दोन वाजेपर्यंत मंगेश मोरे आणि सिद्धेश्वर घाडगे या दोन मजुरांचे मृतदेह सापडले आहेत या घटनेनंतर रात्री सोलापूरचे पालकमंत्री जयकुमार गोरे यांनी घटनास्थळी भेट देऊन मृतांच्या नातेवाईकांशी चर्चा करून त्यांना धीर देण्याचा प्रयत्न केला. सोलापूरचे जिल्हाधिकारी एस कार्तिकेन देखील कालपासून घटनास्थळी ठाण मांडून आहेत.

  • 16 Nov 2026 08:27 AM (IST)

    आरोग्य मंत्री प्रकाश आबिटकरांचा AI चा ऊपक्रम , कोल्हापुरात राज्यातील पहिला ‘महा-पल्स AI’ आरोग्य प्रकल्प सुरू!

    आरोग्य मंत्री प्रकाश आबिटकरांचा AI चा ऊपक्रम , कोल्हापुरात राज्यातील पहिला ‘महा-पल्स AI’ आरोग्य प्रकल्प सुरू… कोल्हापूर जिल्ह्यातील १०४ शासकीय आरोग्य संस्था डिजिटल होणार.  डॉक्टरांची उपस्थिती, रुग्णांची गर्दी आणि स्वच्छतेवर AI द्वारे रिअल टाइम मॉनिटरिंग होणार आहे. आरोग्य व्यवस्थेत पारदर्शकता, उत्तरदायित्व आणि कार्यक्षमता वाढविण्यासाठी प्रयत्न सुरू आहेत.

महामुंबईत मोठ्या प्रमाणात घरबांधणीचे नियोजन केले जात आहे. सातही धरणांतील पाणीसाठ्यात गतवर्षीच्या तुलनेत 13 टक्क्यांनी घट झाली आहे. मुंबईला पाणीपुरवठा करणाऱ्या सातही धरणांमधील साठ्यात घट होत असून सद्यःस्थितीत धरणांमध्ये 79 टक्के पाणीसाठा आहे. गतवर्षी याच कालावधीत धरणांमध्ये 92 टक्के पाणीसाठा होता. त्यामुळे गतवर्षीच्या तुलनेत सुमारे १३ टक्क्यांनी पाणीसाठा कमी आहे. नोव्हेंबरमध्येच धरणांमधील पाणीसाठ्या घट झाल्याने मुंबईकरांनी पाण्याचा वापर जपून करावा असं आवाहन महापालिका प्रशासनाकडून करण्यात येत आहे. ऊस उत्पादक शेतकऱ्यांच्या विविध मागण्यांसाठी आज स्वाभिमानी शेतकरी संघटनेचे नेते राजू शेट्टी यांच्या उपस्थितीत धाराशिव जिल्ह्यातील येडशी टोलनाका येथे रास्ता रोको आंदोलन करण्यात येणार आहे. धाराशिवमध्ये सोलापूर-धुळे महामार्गावरील येडशी टोलनाका येथे आज राजू शेट्टी यांच्या मार्गदर्शनाखाली स्वाभिमानी शेतकरी संघटनेच्या वतीने रास्ता रोको आंदोलन करण्यात येणार आहे. मात्र, या आंदोलनापूर्वीच पोलीस प्रशासनाने खबरदारी घेत स्वाभिमानी शेतकरी संघटनेच्या कार्यकर्त्यांना नोटिसा बजावल्या आहेत.आंदोलनामुळे कायदा व सुव्यवस्थेचा प्रश्न निर्माण झाल्यास संबंधित कार्यकर्त्यांवर कारवाई करण्यात येईल, असा इशारा पोलिसांनी नोटिसांद्वारे दिला आहे. तर एक धक्कादायक बातमी समोर येत आहे. वन्य प्राण्यांच्या हल्ल्यात भंडाऱ्यात 11 महिन्यात 11 जणांचा बळी गेला आहे. भविष्यातील मानव – वन्यप्राणी संघर्ष टाळण्यासाठी वन विभागानं उपाययोजना करण्याची गरज असल्याचं सांगण्यात येत आहे. यासहित जगासहित देशातील विविध घडामोडी जाणून घ्या.

Published On - Nov 16,2026 8:26 AM

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी