Maharashtra News LIVE : महागाईचा दर 6.09 टक्क्यांवर; RBIच्या निर्णयाकडे लक्ष

सध्या देशात काँग्रेस नेते राहुल गांधी हे सतत चर्चेत आहेत. त्यांनी SIR, वोट चोरीवरून अक्षरश: रान पेटवले आहे. त्याचवेळी गोकुळ निवडणुकीतही मत चोरी केल्याचा आरोप करण्यात आला आहे. सत्ताधाऱ्यांनी विरोधकांवर हा आरोप केला आहे. सतेज पाटील यांनी मत चोरी करून 13 संचालक निवडून आणल्याचा ठपका मंत्री चंद्रकांत पाटील यांनी ठेवला आहे. मुख्यमंत्री देवेंद्र फडणवीस यांनी आदेश दिला तर सतेज पाटील यांच्याविरोधात कोल्हापुरातील कोणत्याही मतदारसंघातून निवडणूक लढवून त्यांचा पराभव करण्याचे आव्हानही त्यांनी दिले.

नागपूरमध्ये होणाऱ्या हिवाळी अधिवेशनाच्या पहिल्याच दिवशी विदर्भवादी विधान भवनावर धडकणार आहेत. विधिमंडळाचे हिवाळी अधिवेशन 7 डिसेंबर पासून नागपूरला सुरू होणार आहे. या अधिवेशनाच्या पहिल्याच दिवशी विदर्भवादी विधिमंडळावर धडकून विदर्भ आंदोलनाची धग केंद्र सरकार आणि राज्य सरकार पर्यंत पोहोचविण्याचा प्रयत्न करणार आहेत. यासाठीच्या तयारीला विदर्भवाद्यांन कडून सुरुवात झाली आहे.

आंतरराष्ट्रीय बाजारातील घडामोडींमुळे देशभरातील पेट्रोल आणि डिझेलच्या किंमतींवर मोठा परिणाम होताना दिसतो. आज राज्यातील काही ठिकाणी पेट्रोलचे दर, नाशिक – ₹112.24, धाराशिव – ₹112.45, पालघर – ₹112.04, परभणी – ₹113.16, पुणे – ₹111.90, रायगड – ₹111.46, रत्नागिरी – ₹113.17, सांगली – ₹112.44 असे आहेत. तर काही ठिकाणी डिझेलचे दर नाशिक – ₹98.89, धाराशिव – ₹99.11, पालघर – ₹98.66, परभणी – ₹99.83, पुणे – ₹98.55, रायगड – ₹98.11, रत्नागिरी – ₹99.83 हे आहेत.