Rahul Gandhi : माझा फोन टॅप केला जातोय, राहुल गांधींचा गंभीर आरोप; पृथ्वीराज चव्हाणांचंही मोठं विधान, म्हणाले….

राहुल गांधींनी पंतप्रधान नरेंद्र मोदींवर आपला फोन टॅप केल्याचा गंभीर आरोप केला आहे. माझ्या मोबाईलमध्ये सर्व पुरावे असल्याचा दावाही त्यांनी केला आहे. या प्रकरणावर काँग्रेसचे ज्येष्ठ नेते पृथ्वीराज चव्हाण यांनी आपली भूमिका मांडली आहे.

चव्हाण यांनी नमूद केले की, यापूर्वीही इस्रायली पेगॅसस सॉफ्टवेअरचा वापर करून प्रमुख विरोधी नेत्यांचे फोन टॅप केल्याची बातमी आंतरराष्ट्रीय स्तरावरून समोर आली होती. तंत्रज्ञानाचा वापर करून फोन टॅप करणे शक्य आहे, परंतु अशा कृतींना सर्वोच्च पातळीवरून परवानगी असल्याशिवाय ते शक्य होत नाही. गृहमंत्री किंवा पंतप्रधानांच्या परवानगीशिवाय मोठ्या राजकीय विरोधकांचे फोन टॅप करणे शक्य नाही, असे चव्हाण यांनी स्पष्ट केले.

राहुल गांधींनी पंतप्रधानांना खुल्या चर्चेसाठी आव्हान दिले असून, ते म्हणाले की त्यांच्याकडे असलेले पुरावे ते मोदींसमोर मांडतील. जर पंतप्रधानांनी हे आव्हान स्वीकारले नाही, तर राहुल गांधींचे म्हणणे खरे मानावे लागेल, असे पृथ्वीराज चव्हाण यांनी म्हटले आहे.