Gold-Silver Rate : चांदीची पुन्हा विक्रमी झेप, जळगावच्या सराफ बाजारात २२०० रुपयांची वाढ, सोन्याची पण घोडदौड, खिशाला झळ बसणार किती?
Jalgaon Sarafa Bajar : जळगावच्या सराफा बाजारात चांदीने कमाल दाखवली. चांदीच्या दरात २२०० रुपयांची उसळी दिसून आली. सोने पण महागले. सोन्याच्या दरात ३०० रुपयांची वाढ झाली. काय आहेत आता दोन्ही धातुच्या किंमती?
सोन्यापेक्षा सध्या चांदीच्या दरवाढीची चर्चा आहे. चांदीने गेल्या काही दिवसात मोठी झेप घेतली आहे. चांदीचे दर पुन्हा नव्या विक्रमी उंच्चाकांवर पोहोचले आहेत.
जळगावच्या सराफ बाजाराच्या इतिहासात पहिल्यांदाच चांदीच्या दराने १ लाख १० हजारांचा आकडा पार केला आहे. चांदीचे दर जीएसटी सह १ लाख १० हजार ४१६ रूपयांवर पोहचले आहे
गेल्या आठ दिवसात चांदीच्या भावात ९ हजार २०० रूपयांची वाढ झाली आहे. त्यामुळे गुंतवणूकदारांची चांदी झाली आहे.
सोन्याच्या भावात ३०० रूपयांची वाढ झाली असून सोन्याचे दर जीएसटी सह ९८ हजार ३९५ रूपयांवर पोहोचले आहे.
तर गुडरिर्टन्सनुसार, गेल्या दोन दिवसात चांदीत दोन हजारांची वाढ झाली आहे. एक किलो चांदीचा भाव आता १ लाख ९ हजार रुपये इतकी आहे.
गुडरिर्टन्सनुसार, सोन्याच्या दरात ८२० रुपयांची वाढ झाली आहे. आता २४ कॅरेट सोन्याचा दर ९८,५५० रुपये आणि २२ कॅरेट सोन्याचा भाव ९०,३५० रुपये इतकी आहे
