Hijab : जॉर्डनच्या मुस्लिम राजघराण्यातील महिला कुठला ड्रेसकोड पाळतात? हिजाब वादामुळे का चर्चेत आहे?
हिजाबवरुन कर्नाटकसह संपूर्ण देशभरात वातावरण पेटल्याचं पाहायला मिळत आहे. कर्नाटकातील एका महाविद्यालयात सुरु झालेल्या हिजाब वादाचे पडसाद महाराष्ट्रातील विविध शहरात पाहायला मिळत आहे. अशावेळी प्रेषित मोहम्मदांच्या वंशज जॉर्डनच्या राजघराण्यातील महिला हिजाब घालतात का? असा प्रश्न पडतो. किंग अब्दुल्ला यांच्या अधिकृत पेजवर त्यांच्या कुटुंबियांचे अनेक फोटो आहेत. त्यात महाराणी रानियां, प्रिन्सेस सलमा यांचे अनेक फोटो पाहायला मिळतात. मात्र. त्यात या कुटुंबातील महिलांनी हिजाब घातलेला कुठेही दिसून येत आहे.
सध्या हिजाबवरुन कर्नाटकसह संपूर्ण देशभरात वातावरण पेटल्याचं पाहायला मिळत आहे. कर्नाटकातील एका महाविद्यालयात सुरु झालेल्या हिजाब वादाचे पडसाद महाराष्ट्रातील विविध शहरात पाहायला मिळत आहे.
अशावेळी हिजाबचा अर्थ लक्षात घेणं गरजेचं आहे. तर आधुनिक इस्लाममध्ये हिजाबचा अर्थ पडदा आहे. कुराणमधील हिजाब कपड्यांशी संबंधित नाही. तो महिला आणि पुरुषांमधील पडदा म्हणून आहे. कुराणात मुस्लिम पुरुष आणि स्त्रिया दोघांनाही सभ्य कपडे घालण्याची सूचना देण्यात आली आहे. येथे खिमार (डोके झाकण्यासाठी) आणि कपड्यांसाठी जिल्बाब (लबादा) असे शब्द सांगितले आहेत. हिजाब अंतर्गत, स्त्री आणि पुरुष दोघांनाही सैल आणि आरामदायी कपडे घालण्यास, तसेच डोके झाकण्यास सांगितले आहे.
असं असलं ती हिजाब केवळ सर्वसामान्य मुस्लिम स्त्रियांसाठीच आहे का? असा प्रश्न पडतो. कारण, प्रेषित मोहम्मदांच्या वंशजांपैकी कुणी हिजाब पाळतं का, असाही एक प्रश्न समोर येतो. जॉर्डनचे किंग अब्दुल्लाह इस्लाम धर्माचे पैगंबर मोहम्मद साहब यांच्या मुलीचे वंशज आहेत. तर अब्दुल्लाह यांची पत्नी राजकुमारी रानियां ही लेबनानी मूळची आहे. तिचं शिक्षण लंडनमध्ये झालं असून ती जॉर्डनची महाराणी आहे. (फोटो -https://www.kingabdullah.jo)
महत्वाची बाब म्हणजे किंग अब्दुल्ला यांच्या अधिकृत पेजवर त्यांच्या कुटुंबियांचे अनेक फोटो आहेत. त्यात महाराणी रानियां, प्रिन्सेस सलमा यांचे अनेक फोटो पाहायला मिळतात. मात्र. त्यात या कुटुंबातील महिलांनी हिजाब घातलेला कुठेही दिसून येत नाही . (फोटो -https://www.kingabdullah.jo)
रॉयल मिलिटरी अकादमी सॅडहर्स्टमध्ये रॉयल हायनेस प्रिन्सेस सलमा बिंत अब्दुल्ला द्वितीय यांची कमीशनिंग परेडमधील एक कौटुंबिक फोटो आहे. या फोटोमध्ये या राजघराण्यातील महिला वेस्टर्न पेहरावातच आपल्याला पाहायला मिळतात. (फोटो -https://www.kingabdullah.jo)
हा फोटो 25 मे 2016 चा आहे. जॉर्डनच्या 70 व्या स्वातंत्र्य दिनी अधिकृत समारोहावेळी किंग अब्दुल्ला आणि राणी रानियां या फोटोमध्ये पाहायला मिळतात. त्यातही रानियां यांनी वेस्टर्न पेहराव केला आहे. त्या कुठेही हिजाबमध्ये पाहायला मिळत नाहीत. (फोटो -https://www.kingabdullah.jo)
हा फोटो 2013 मधील आहे. यात अब्दुल्ला यांच्यासह राणी रानियां, राजकुमारी इमान, राजकुमारी सलमा, तसंच क्राउन प्रिन्स अल हुसैन पाहायला मिळतात. मात्र यातही राणी किंवा राजकुमारी हिजाबमध्ये दिसत नाहीत. (फोटो -https://www.kingabdullah.jo)
