बँकेने फाटलेल्या नोटा स्वीकारण्यास नकार दिल्यास काय करावे, तक्रार कुठे करावी? जाणून द्या हक्क
तुम्ही बँकेच्या कोणत्याही शाखेत बँका बदलू शकता. नोटा बदलण्यास नकार दिल्यास तक्रारही करू शकता.
महिनाभरात व्यवहार करताना फाटलेली किंवा खराब नोट आढळून येतेच. काही वेळा फाटलेली नोट दुकानदार किंवा व्यापारी नोटा स्वीकारण्यास नकार देतात. त्यामुळे सर्वसामान्यांना त्रास होतो. अशावेळी घाबरून जाण्याची गरज नाही. फाटलेल्या नोटांमुळं तुमचं आर्थिक नुकसान होणार नाही.
भारतीय रिझर्व्ह बँकेने याबाबत मार्गदर्शक तत्वे जारी केले आहेत. या नियमानुसार तुम्ही देशातील कोणत्याही बँक शाखेत फाटलेल्या नोटा बदलू शकतात. आरबीआयच्या नियमानुसार, फाटलेल्या नोटा किंवा खराब नोटा बदलून नवीन नोटा व्यावसायिक बँकेच्या कोणत्याही शाखेत बदलून घेऊ शकता.
आरबीआयच्या नियमानुसार खराब, दोन तुकडे झालेल्या नोटा बदलून मिळू शकतात. यासोबत नोटांच्या छपाईमध्ये तांत्रिक दोष असल्यासही बदलून दिल्या जाऊ शकतात. परंतु तुम्हाला बँक कर्मचारी नोटा बदलून देण्यास नकार देत असल्यास तुम्ही तक्रार देखील करू शकता.
तुम्हाला सर्वात आधी बँकेच्या शाखा व्यवस्थापकाशी संपर्क साधू शकता. त्यानंतर बँकेच्या तक्रार नोंदवहीत तक्रार नोंदवू शकतात. बँक अंतर्गत तक्रारीचं निवारण करण्यासाठी 30 दिवसांचा अवधी लागतो. त्यानंतरही तक्रारीचं निवारण न झाल्यास तुम्ही थेट आरबीआय बँकिंगच्या लोकपालाकडे तक्रार करू शकता.
आरबीआय लोकपालाकडे तक्रार करण्याची प्रक्रिया ही पूर्णपणे मोफत आहे. तुम्ही ही तक्रार ऑनलाइन आणि फोनवरूनही करू शकता.
ऑनलाइन तक्रार करण्यासाठी cms.rbi.org.in या पोर्टलवर तक्रार करू शकता. तसेच आरबीआयची हेल्पलाइन 14448 या क्रमांकावरही तक्रार करता येईल.
