Virat Kohli : विराट कोहलीचं वादळ, वेस्ट इंडिजच्या गोलंदाजांना चोपलचं पण एकाच सामन्यात बनवले 5 जबरदस्त रेकॉर्ड्स
Virat Kohli : विराट कोहलीने वेस्ट इंडिज विरुद्ध तिरुवनंतपुरम येथील वनडे मॅचमध्ये दमदार प्रदर्शन केलं. कोहलीने वेस्ट इंडिजच्या गोलंदाजांना कुठलीही संधी दिली नाही. सुरुवीतापासून तो फॉर्ममध्ये होता. कोहलीने सिक्स मारुन सेंच्युरी झळकवली. सिक्स मारुनच त्याने मॅचही फिनिश केली.
विराट कोहली वनडे इंटरनॅशनलमध्ये सर्वात वेगवान 15 हजार धावा करणारा फलंदाज बनला आहे. कोहलीने मास्टर ब्लास्टर सचिन तेंडुलकरला मागे टाकलं. कोहलीने 303 इनिंगमध्ये 15950 चेंडूत हे यश मिळवलं. तेच सचिन वनडेमध्ये 15 हजार धावा पूर्ण करण्यासाठी 377 इनिंग आणि 17528 चेंडू खेळला.
वनडे इंटरनॅशनल क्रिकेटमध्ये 15 हजार धावांपर्यंत पोहोचणारा विराट कोहली दुसरा फलंदाज आहे. सचिन तेंडुलकर आणि विराट कोहली शिवाय कुठलाही फलंदाज वनडे इंटरनॅशनलमध्ये 15 हजारच्या आकड्यापर्यंत पोहोचलेला नाही. सचिनने 463 ODI सामन्यात 18426 धावा केल्या. तेच कोहलीच्या नावावर 315 वनडे सामन्यात 15080 धावांची नोंद आहे.
श्रीलंकेनंतर वेस्ट इंडिज अशी दुसरी टीम आहे, ज्यांच्याविरोधात विराट कोहलीने वनडे क्रिकेटमध्ये 10 शतक ठोकली आहेत. कोहलीने याच मैदानावर श्रीलंकेविरुद्ध वनडे इंटरनॅशनलमध्ये 10 वं शतक ठोकलं होतं. कोहली वनडे इंटरनॅशनलमध्ये कुठल्या एकाटीमविरोधात सर्वाधिक शतक ठोकणारा फलंदाज बनला आहे.
विराट कोहलीने या सामन्यात 74 चेंडूत शतक झळकावलं. वनडे इंटरनॅशलमध्ये चेंडूच्या आधारावर हे तिसरं वेगवान शतक आहे. कोहलीने ऑस्ट्रेलिया विरुद्ध 52 आणि 61 चेंडूत वनडे शतक झळकावलं आहे.
विराट कोहलीने लिस्ट ए मध्ये सर्वाधिक शतक झळकवण्याच्या बाबतीत सचिन तेंडुलकरची बरोबरी गाठली आहे. सचिनने लिस्ट ए क्रिकेटमध्ये 60 शतक झळकावली. सचिन आणि कोहलीनंतर इंग्लंडच्या ग्राहम गूचचा (44 शतकं) नंबर येतो.
