GK : तुम्हीही फेकून देता टोलची पावती ? टाकण्याआधी जाणून घ्या हे फायदे, नाहीतर पस्तावाल
टोल प्लाझावर मिळणारी छोटी पावती अनेकदा तुमच्यासाठी उपयोगी ठरू शकते, हे तुम्हाला माहित आहे का? बरेच लोक टोलची पावती अनावश्यक समजून फेकून देतात, पण तसं करणं योग्य नाही. ही पावती केवळ पैसे भरल्याचा पुरावा नाही, तर ती आपल्यासाठी अतिशय उपयोगी ठरू शकते. म्हणूनच ती जपून ठेवणे खूप महत्त्वाचं असतं.
हायवेवरून प्रवास करताना आपल्याला अनेकदा टोल भरावा लागतो. त्याची एक पावतीही मिळते. मात्र टोल प्लाझाची पावती ही केवळ टोल भरल्याचा पुरावा नाही, तर महामार्गावर उपलब्ध असलेल्या काही महत्त्वाच्या सुविधांचा लाभ घेण्यासाठीही अतिशय उपयोगी ठरू शकते. बऱ्याच लोकांना याची जाणीव नसते. आजच हे उपाय जाणून घ्या, आणि पुढल्या वेळेस प्रवास पूर्ण होईपर्यंत टोलची पावती फेकून देऊ नका. ( All Photo Credits: AI Generated )
1 / 7
जर तुमच्या वाहनाचं टायर पंक्चर झालं किंवा रस्त्यात इतर कोणतीही समस्या आली, तर तुम्ही टोल पावतीवर दिलेल्या हेल्पलाइन नंबरवर फोन करून मदत मिळवू शकता. तुमच्या ठिकाणानुसार आणि टोलच्या तपशिलानुसार, मेकॅनिक किंवा सपोर्ट टीम साधारणपणे 10 मिनिटांच्या आत तुमच्यापर्यंत पोहोचू शकते.
2 / 7
जर तुम्ही एखाद्या निर्जन महामार्गावर गाडी चालवत असाल आणि अचानक तुमच्या वाहनातील इंधन संपलं, तरीही काळजी करण्याची गरज नाही. टोल पावतीवर दिलेल्या हेल्पलाइन क्रमांकावर संपर्क साधून तुम्ही 5 ते 10 लिटर पेट्रोल किंवा डिझेल मागवू शकता.
3 / 7
एवढंच नव्हे तर प्रवासादरम्यान एखाद्या व्यक्तीची प्रकृती अचानक खालावल्यास, सोबत असलेले लोक हे टोल पावतीवर दिलेल्या क्रमांकावर फोन करून अँब्युलन्स बोलावू शकतात. साधारणपणे,10 एक मिनिटांत अँब्युलन्स तिथे पोहोचते आणि रुग्णाला जवळच्या रुग्णालयात नेता येऊ शकतं.
4 / 7
टोल प्लाझा पावतीच्या मागील बाजूस दिलेला क्रमांक हा इमर्जन्सी मदतीसाठी असतो. जर तुम्ही या क्रमांकावर फोन केला, तर महामार्गावर गरजेनुसार वैद्यकीय सेवा, मेकॅनिक, इंधन किंवा क्रेन यांसारखी मदत त्वरित मिळू शकते.
5 / 7
तुम्ही फास्टॅग वापरला असेल तर त्याची पावती ऑनलाइन उपलब्ध असते. तुम्ही संबंधित महामार्ग ऑथॉरिटीच्या वेबसाइटला भेट देऊन किंवा तुमचा ट्रान्झॅक्शन आयडी सांगून 1033 या हेल्पलाइन क्रमांकावर कॉल करून मदत मिळवू शकता.
6 / 7
तसेच महामार्गावर प्रवासाला निघण्यापूर्वी तुमच्या मोबाईलमध्ये 1033 हा टोल हेल्पलाइन क्रमांक सेव्ह करून ठेवला तर ते उत्तम ठरू शकतं. यामुळे तुम्ही तुमचा प्रवास अधिक सुरक्षित आणि सोपा करू शकता, तसेच गरज पडल्यास इतरांनाही मदत करू शकता. (डिस्क्लेमर: येथे दिलेली माहिती सार्वजनिक डोमेनमधून घेतली आहे, जी केवळ माहितीसाठी आहे.)
