लालबागच्या राजाला तिसऱ्या दिवशी 53 लाखांची देणगी, अनेक राजकीय नेते चरणी लीन
मुंबईच्या लालबागच्या राजाच्या चरणी भक्तांचा ओघ लागला आहे. तिसऱ्या दिवशी लालबागच्या चरणी ५३ लाख रुपयांचे दान झाले आहे. लालबागचा राजा पहिल्या दिवशीच ४८.५० लाख रुपयांचे देणगी मिळाली होती.
लालबागच्या राजाच्या चरणी तिसऱ्या दिवशी ५३ लाख रुपयांची देणगी मिळाली आहे. लालबागच्या राजाच्या चरणी दुसऱ्या दिवशी ९० लाख रुपयांची देणगी मिळाली होती
पहिल्या दिवशी लालबागच्या राजाच्या चरणी ४८ लाख ५० हजार रुपयांची देणगी मिळाली होती. स्टेजवरील दान पेटीत २७ लाख ५० हजार रुपयांचे दान मिळाले होते. तर कलर बॉक्समध्ये २१ लाख रुपयांचे दान मिळाले होते.
मुंबईत गणेश चतुर्थीच्या दिवशी लालबागच्या राजाला नवसाची रांग सुरु झाली होती. रात्रंदिवस भक्तांच्या रांगा लालबागच्या राजाच्यादर्शनासाठी लागल्या आहेत. यावेळी काही भक्तांची गैरसोय देखील होत आहे.
दुसऱ्या दिवशी लालबागच्या राजाच्या भक्तांनी २२६.१२० ग्रॅमचे सोने दान केले होते. याच दरम्यान लालबागचा राजाच्या चरणी भक्तांनी ५५१६.००० ग्रॅम चांदीचे दान केले होते. गणेश चतुर्थी सोमवार ( १४ सप्टेंबर ) पासून सुरु झाली आहे.
केंद्रिय गृहमंत्री अमित शाह यांनी नुकतेच लालबागच्या राजाचे दर्शन घेतले. यावेळी त्यांच्या सोबत मुख्यमंत्री देवेंद्र फडणवीस आणि उपमुख्यमंत्री एकनाथ शिंदे उपस्थित होते.
भारतीय जनता पार्टीचे राष्ट्रीय अध्यक्ष नितीन नवीन आणि मुख्यमंत्री देवेंद्र फडणवीस यांनी बुधवारी लालबागच्या राजाचे दर्शन घेत पूजा केली.
भारतीय क्रिकेटर सुर्यकुमार यादव देखील लालबागच्या राजाचे दर्शन करण्यासाठी पोहचला होता. यावेळी त्याची पत्नी देखील त्याच्या सोबत होती.
