पुण्यात अवैध गावठी हातभट्टीवर जेसीबी, गृहमंत्र्यांच्या मतदारसंघातील करंदी गावात अखेर कारवाई
शिक्रापूर पोलिसांनी जेसीबीच्या सहाय्याने बुधवारी रात्री अवैध गावठी दारुचा अड्डा उद्ध्वस्त केला. दोन दिवसांपूर्वी करंदी गावातील एक गावठी हातभट्टी दारुचा अड्डा गावच्या महिला सरपंचासह ग्रामपंचायत सदस्यांनी जाऊन उद्ध्वस्त केला होता.
पुणे जिल्ह्याच्या शिरुर तालुक्यातील करंदी येथे अवैध गावठी हातभट्टी दारु अड्ड्यावर कारवाई करण्यात आली आहे.
MIDC Daru
शिक्रापूर पोलिसांनी जेसीबीच्या सहाय्याने बुधवारी रात्री अवैध गावठी दारुचा अड्डा उद्ध्वस्त केला. यावेळी तिघा जणांविरोधात गुन्हा दाखल करण्यात आला आहे.
दोन दिवसांपूर्वी करंदी गावातील एक गावठी हातभट्टी दारुचा अड्डा गावच्या महिला सरपंचासह ग्रामपंचायत सदस्यांनी जाऊन उद्ध्वस्त केला होता. तब्बल पाच वर्षे पोलिसात तक्रार करुनही गावठी दारुची भट्टी बंद न झाल्याचा आरोप सरपंचांनी केला होता.
दारुची भट्टी चालवणाऱ्यांना सरपंच आणि सर्व ग्रामपंचायत सदस्यांनी अक्षरश: पाठलाग करुन हुसकावून लावलं होतं
पुणे जिल्ह्यातील करंदी गाव हे गृहमंत्री दिलीप वळसे-पाटील यांच्या आंबेगाव मतदारसंघात येते. तर माजी खासदार शिवाजीराव आढळराव-पाटील यांनी हे गाव दत्तक घेतलेले आहे.
