‘पुन्हा कर्तव्य आहे’ मालिकेत मोठा ट्विस्ट; लकी-वसुंधराच्या लग्नाचा फोटो जयश्रीच्या हातात पडेल?
झी मराठी वाहिनीवरील 'पुन्हा कर्तव्य' या मालिकेचं कथानक अत्यंत रंजक वळणावर येऊन पोहोचलं आहे. वसुच्या आयुष्यात लकी नावाचं वादळ घोंगावतंय. आता लकी आणि वसुंधराचा लग्नाचा फोटो जयश्रीच्या हाती लागेल का, हे पाहणं महत्त्वाचं ठरणार आहे.
झी मराठी वाहिनीवरील 'पुन्हा कर्तव्य आहे' या मालिकेच्या कथानकात रंजक वळण आलं आहे. वसुच्या आयुष्यात लकी नावाचं वादळ घोंगावतंय. दिवाळीत लकी बनीला हातात फटाका फोडायला शिकवतो, पण वसू त्याला तसं करण्यापासून थांबवते.
दिवाळी साजरी करताना संपूर्ण कुटुंब सत्य आणि धाडस हा खेळ खेळायचं नियोजन करतात. यात लकी वसूला 'सत्य' निवडायला लावतो आणि "मला वसू वाहिनीबद्दल एक गुपित माहीत आहे" असं म्हणून तिला कचाट्यात पकडण्याचा प्रयत्न करतो.
लकी वसूला सांगतो, "मी सर्वांसाठी सारखेच गिफ्ट आणले आहेत, पण एका गिफ्ट रॅपमध्ये आपल्या लग्नाचा फोटो आहे. तुला तो फोटो कोणत्या गिफ्टमध्ये आहे ते शोधायचं आहे."
हे ऐकून काय वसुंधरेची मनस्थिती काय असेल? हा फोटो जयश्रीच्या हातात तर पडणार नाही ना? या सर्व प्रश्नांची उत्तरं मालिकेच्या आगामी भागात मिळतील.
'पुन्हा कर्तव्य आहे' ही मालिका दररोज रात्री 9.30 वाजता झी मराठी वाहिनीवर प्रेक्षकांच्या भेटीला येते. या मालिकेत अक्षय म्हात्रे आणि अक्षया हिंदळकर मुख्य भूमिका साकारत आहेत.
