amit thackeray | ठाकरे परिवारातील आई अन् मुलगा मोर्च्यात, काय आहे मागणी
योगेश बोरसे, पुणे, दि. 23 फेब्रुवारी 2024 | महाराष्ट्र नवनिर्माण सेनेकडून आज पुणे विद्यापीठावर मोर्चा नेण्यात आला. या मोर्चाचे नेतृत्व अमित ठाकरे यांनी केले. या मोर्च्यात अमित ठाकरे यांच्या मातोश्री आणि राज ठाकरे यांच्या पत्नी शर्मिला ठाकरे सहभागी झाल्या.
महाराष्ट्र नवनिर्माण सेनेकडून आज पुणे विद्यापीठावर मोर्चा नेण्यात आला. या मोर्चाचे नेतृत्व अमित ठाकरे यांनी केले. या मोर्च्यात अमित ठाकरे यांच्या मातोश्री आणि राज ठाकरे यांच्या पत्नी शर्मिला ठाकरे सहभागी झाल्या.
आई आणि मुलगा मोर्च्यात आल्यामुळे तो कुतूहल आणि चर्चेचा विषय ठरला होता. चतुर्श्रुंगी मंदिरापासून ते पुणे विद्यापीठापर्यंत हा मोर्चा काढण्यात आला होता. या मोर्चात मोठ्या संख्येने मनसे विद्यार्थी संघटनेचे कार्यकर्ते सहभागी झाले होते.
विद्यार्थ्यांच्या विविध मागण्यांसाठी मनसेच्या विद्यार्थी संघटनेचा मोर्चा होता. मोर्चा विद्यापीठाच्या गेटवर धडकल्यानंतर आडवण्यात आला. मराठी भाषा भवन निर्माण करावे आणि वसतीगृहाच्या दर्जा सुधारण्याची मागणी मोर्च्याच्या माध्यमातून करण्यात आली आहे.
गेल्या काही दिवसांपासून अमित ठाकरे पुणे शहरात संघटना बांधणी करत आहेत. आता मनसेने युवकांना लक्ष करुन त्यांच्या मागण्यांकडे मनसेने लक्ष दिले आहे.
सावित्रीबाई फुले पुणे विद्यापीठाचे कुलगुरुंना अमित ठाकरे यांच्या शिष्टमंडाळाखाली निवेदन देण्यात आले. त्यावेळी शर्मिला ठाकरे, बाळा नांदगावकर उपस्थित होते.
