Multibagger Stock: 98 पैशांचा स्टॉक आणि गुंतवणुकदारांच्या उड्या, तेजीचे सत्र संपता संपेना
Share Market: मंगळवारी या पेनी स्टॉकमध्ये तुफान आले. एक रुपयांपेक्षा कमी किंमत असलेल्या या शेअरने गुंतवणूकदारांना लॉटरी लावली. पेनी स्टॉकमधील गुंतवणूक जोखिमीची मानले जाते. या स्टॉकमध्ये तेजीचे सत्र दिसून आले.
Pulsar International हा पेनी स्टॉक आहे. त्याची किंमत एक रुपयांपेक्षा कमी आहे. कंपनीच्या शेअरमध्ये जवळपास 4.26 टक्क्यांची तेजी आली आणि हा शेअर 0.98 रुपयांवर पोहचला. गेल्या पाच दिवसात हा शेअर 20 टक्क्यांनी तेजीत आला. कंपनीने एक अपडेट दिल्याने गुंतवणूकदारांनी या शेअरवर उडी मारली.
या शेअरने 90 कोटींचा महसूल मिळवला आहे. इतक्या छोट्या कंपनीने चांगला महसूल मिळवल्याची वार्ता बाजारात पोहचली. कंपनीचे ऑपरेशन्सचा विस्तार आणि बाजारातील कंपनीची मजबूत पकड यामुळे लक्षात येते. पल्सर इंटरनॅशनलचे कामकाज अधिक व्यापक झाल्याचे समोर आले आहे.
पल्सर इंटरनॅशनलच्या या घोडदौडीमुळे कंपनी येत्या काळात अधिक मजबूत व्यापार करेल असा दावा करण्यात येत आहे. कंपनीची ध्येयधोरणे आणि बाजारातील स्थिती यावर कंपनीचा आलेख उंचावले अथवा त्यानुसार कंपनीची कामगिरी दिसून येईल असे कंपनीने स्पष्ट केले आहे.
कंपनीच्या संचालकांची लवकरच बैठक होणार आहे. त्यात कंपनीकडून अंतरिम लाभांश आणि भविष्यातील योजना याविषयीची अपडेट समोर येणार आहे. येत्या 20 मार्च रोजी ही संचालक मंडळाची बैठक होईल. त्याकडेही गुंतवणूकदारांचे लक्ष लागले आहे. त्यामुळे कंपनीचा शेअर सध्या तेजीत आला आहे.
कंपनी AI आणि IoT आधारीत कृषी धोरणाविषयीची योजना आखत आहे. स्मार्ट कृषी समाधान अंतर्गत कृत्रिम बुद्धिमता आणि इंटरनेट ऑफ थिंग्स टेक्नॉलॉजी जोडून चांगले शेती मॉडल कंपनी उभारू पाहत आहे. त्यासाठी कंपनीने मोठी आघाडी घेतली आहे. लवकरच याविषयीची घोषणा कंपनी करण्याची शक्यता आहे.
डिस्क्लेमर : टीव्ही 9 मराठी कुठल्याही स्टॉक, म्युच्युअल फंड, आयपीओमध्ये गुंतवणूक करण्याचा सल्ला देत नाही. येथे केवळ त्याची माहिती देण्यात आली आहे. गुंतवणुकीपूर्वी तज्ज्ञाचा, आर्थिक सल्लागाराचा सल्ला आवश्य घ्या.
