PHOTOS: सचिन वाझेंचा लोकल ट्रेनने प्रवास; काय घडलं त्या रात्री?
सचिन वाझे यांना घेऊन राष्ट्रीय तपास यंत्रणेच्या (NIA) अधिकाऱ्यांनी सोमवारी मुंबईतील लोकल ट्रेनने प्रवास केला. | Sachin Waze NIA CSMT
अंबानी स्फोटक प्रकरण आणि मनसुख हिरेन हत्याप्रकरणातील मुख्य संशयित सचिन वाझे यांना घेऊन राष्ट्रीय तपास यंत्रणेच्या (NIA) अधिकाऱ्यांनी सोमवारी रात्री मुंबईतील लोकल ट्रेनने प्रवास केला.
4 मार्च रोजीच्या घटनांचे नाट्यरुपांतरण करण्यासाठी सचिन वाझे यांना छत्रपती शिवाजी महाराज (CSMT) आणि कळवा रेल्वे स्थानकात नेण्यात आले होते.
रात्री साधारण सव्वाअकराच्या सुमारास NIA चे अधिकारी वाझे यांना घेऊन मुंबईतील कार्यालयातून बाहेर पडले. त्यानंतर साडेअकरा वाजता हे सर्वजण सीएसएमटी स्थानकात दाखल झाले.
याठिकाणी फलाट क्रमांक 4 आणि 5 वर सचिन वाझे यांना नेऊन 4 मार्चच्या रात्री काय घडले होते, याची नेमकी माहिती 'एनआयए'च्या अधिकाऱ्यांकडून घेण्यात आली.
रात्री 12.15च्या लोकल ट्रेनने NIA ची टीम सचिन वाझे यांना घेऊन कळव्याच्या दिशेने निघाली.
साधारण 12.45 च्या सुमारास लोकल ट्रेन कळव्याला पोहोचली. याठिकाणी उतरल्यानंतर NIAच्या अधिकाऱ्यांनी 30 मिनिटं थांबून 4 मार्चच्या रात्री घडलेल्या घटनांचे नाट्यरुपांतरण (क्राईम सीन रिक्रिएट) केले.
सचिन वाझे एनआयएच्या अधिकाऱ्यांना माहिती देताना.
हे सगळं आटोपल्यानंतर NIAची टीम रात्री सव्वाच्या सुमारास सचिन वाझे यांना घेऊन पुन्हा मुंबईच्या दिशेने रवाना झाली. रात्री दोन वाजता हे सर्वजण पुन्हा मुंबई NIAच्या कार्यालयात पोहोचले.
