Photos : ‘या’ देशात दर 8 तासाला एका निरपराधाचा मृत्यू, आतापर्यंत 3.87 लाख लोकांचं हत्याकांड, डोळ्यात पाणी आणणारं वास्तव
मार्च 2011 मध्ये सीरियात राष्ट्रपती बशर अल-असद यांच्या विरोधात एक शांततापूर्ण आंदोलन सुरु झालं. मात्र, या ठिकाणच्या हुकुमशाहांनी हे आंदोलन दडपण्यासाठी हिंसेचा अवलंब केला. पाहता पाहता संपूर्ण देश उद्ध्वस्त झाला.
- मार्च 2011 मध्ये सीरियात राष्ट्रपती बशर अल-असद यांच्या विरोधात एक शांततापूर्ण आंदोलन सुरु झालं. मात्र, या ठिकाणच्या हुकुमशाहांनी हे आंदोलन दडपण्यासाठी हिंसेचा अवलंब केला. पाहता पाहता संपूर्ण देश उद्ध्वस्त झाला.
- युनिसेफच्या माहितीनुसार, सीरियातील परिस्थिती इतकी खराब झालीय की मागील 10 वर्षात दर 8 तासाला सरासरी एक मुलगा आपला जीव गमावतो किंवा जखमी होतोय.
- सीरियातील नागरिकांच्या सर्वच बाजूंनी दरी तयार झालीय. आतापर्यंत दीड लाख पेक्षा जास्त लोकांचा मृत्यू सरकारच्या दडपशाहीत झालाय. दुसरीकडे सरकारचा विरोध करणाऱ्या गटानेही जवळपास 35,000 लोकांचा बळी घेतलाय.
- सीरियातील कट्टर दहशतवादी संघटनांनीही 14,000 लोकांचे जीव घेतलेत. याशिवाय रशिया, इराण, तुर्की, अमेरिका आणि इतर इस्लामिक संघटनांचाही समावेश आहे.
- सीरियातील गृहयुद्धात डिसेंबर 2020 पर्यंत 3,87,000 लोकांचा मृत्यू झाल्याला दुजोरा मिळालाय. खरंतर मृत्यू होणाऱ्यांची खरी संख्या 5 लाख पेक्षा अधिक आहे.
- अनेक वृत्तांनुसार 2,05,300 लोक आतापर्यंत गायब झालेत. ते जिवंत आहेत की मृत्यू झालाय याचीही माहिती मागील 10 वर्षात मिळालेली नाही.
- लाखो लोकांच्या मृत्यूशिवाय सीरियात 21 लाख नागरिक गंभीर जखमी होऊन अपंग झाले आहेत.
- तसेच 2 कोटीपेक्षा जास्त लोकांना आपलं घर सोडावं लागलं. ते सध्या विस्थापितांच्या छावणीत राहत आहेत.