युवराज संभाजीराजे छत्रपती यांचं कोल्हापुरात जंगी स्वागत! पाहा खास Photo
मराठा आरक्षणासाठी उपोषणाला बसलेल्या संभाजीराजेंच्या सगळ्या मागण्या महाविकास आघाडी सरकारनं मान्य करत त्या पूर्ण करण्याचं आश्वासन दिलंय. आझाद मैदानातील उपोषण सोडल्यानंतर संभाजीराजे यांचं कोल्हापुरात जंगी स्वागत करण्यात आलं.
कोल्हापूर शहरात येताच युवराज संभाजीराजे छत्रपतींचं जंगी स्वागत करम्यात आलं. यावेळी त्यांनी छत्रपती शिवाजी महाराजांच्या पुतळ्याला अभिवादन केलं.
निशाणाचा हत्ती, घोडे, रणभेदी गर्जना करणारे धनगरी ढोल व ढोलताशा पथक तसेच टाळ मृदंगाचा गजर करणारे वारकरी यांनी स्वागताच्या मिरवणुकीत विशेष रंग भरले होते.
छत्रपती शिवाजी महाराज, छत्रपती संभाजी महाराज, छत्रपती ताराबाई महाराणीसाहेब, क्रांतिवीर छत्रपती चिमासाहेब महाराज, राजर्षी छत्रपती शाहू महाराज, महाराणी लक्ष्मीबाई तथा आईसाहेब महाराज व शाहूपुत्र छत्रपती राजाराम महाराज यांच्या शहरातील स्मारकांसह कोणतेही काम करण्यामागचा हेतू प्रामाणिक आणि विचार स्वच्छ असेल, तर कोल्हापूरकर त्याला नेहमीच पाठबळ देतात ; याचा प्रत्यय काल पुन:श्च एकदा आला, असं संभाजीराजेंनी म्हटलंय.
आझाद मैदानावरील उपोषणानंतर गुरुवाती प्रथमच कोल्हापूरात आले असता संभाजीराजेंचं कोल्हापूरकरांनी अत्यंत उत्साहात स्वागत केलं होतं.
कोल्हापूरकरांचे प्रेम आणि जिव्हाळा पाहून संभाजीराजेही भारावून गेले होते.
ज्या समाजबांधवांच्या न्यायासाठी मी उपोषण केले त्यामध्ये सर्व समाजबांधव माझ्या पाठीशी ठामपणे उभे राहिल्याबद्दल त्यांनी यावेळी कृतज्ञता व्यक्त केली.