मोदी यांचे वेगळेच रुप, खंजीरी वाजवत भजनास दिली साथ..
पंतप्रधान नरेंद्र मोदी यांनी शुक्रवारी सायंकाळी दिल्लीतील दीनदयाल उपाध्याय पार्कमध्ये ‘भजन क्लबिंग’ कार्यक्रमात सहभाग घेतला. यावेळी त्यांचे वेगळेच रुप पाहायला मिळाले.
'भजन क्लबिंग' हा तरुणांमध्ये, विशेषतः जेन-Z मध्ये, वेगाने लोकप्रिय होत असलेला आध्यात्मिक ट्रेंड असून यात पारंपरिक भजने आणि कीर्तनाला आधुनिक कॉन्सर्ट सारखे करण्याची ही एक नवीन पद्धत आहे.पंडित दीनदयाल उपाध्याय यांच्या ११० व्या जयंतीनिमित्त 'भजन क्लबिंग'मध्ये पंतप्रधान सहभागी झाले होते. यावेळी त्यांनी खंजीरी वाजवत साथ दिली.
पंतप्रधान नरेंद्र मोदी यांनी जुलै महिन्यात ऑस्ट्रेलिया दौऱ्यादरम्यान मेलबर्नमध्ये भजन क्लबिंग ट्रेंडचा उल्लेख केला होता. भारताची नवी पिढी आपल्या मुळांशी आणि श्रद्धेशी आधुनिक जीवनशैलीची सुंदर सांगड घालत असल्याचे सांगत त्यांनी कौतुक केले होते.
भजन क्लबिंग ट्रेंडला आपली जेन-झी पिढी पुढे नेत आहे असे पीएम मोदी यांनी म्हटले आहे. यापूर्वी जानेवारी २०२६ मध्ये ‘मन की बात’ कार्यक्रमातही पीएम मोदी यांनी या 'भजन क्लबिंग' ट्रेंडचे कौतुक केले होते.
भजन क्लबिंग ट्रेंडला आपली जेन-झी पिढी पुढे नेत आहे असे पीएम मोदी यांनी म्हटले आहे. यापूर्वी जानेवारी २०२६ मध्ये ‘मन की बात’ कार्यक्रमातही पीएम मोदी यांनी या 'भजन क्लबिंग' ट्रेंडचे कौतुक केले होते.
भजन क्लबिंग म्हणजे काय? - ‘भजन क्लबिंग’ हा तरुणांमध्ये, विशेषतः जेन-झीमध्ये वेगाने लोकप्रिय होत असलेला एक आध्यात्मिक ट्रेंड आहे. पारंपरिक भजने आणि कीर्तन आधुनिक कॉन्सर्ट किंवा नाइटक्लबसारख्या ‘वाइब’ आणि निर्मितीसह सादर करण्याची ही एक नवी पद्धत आहे.
