शेवटी आहे तर राहुलचाच मुलगा! अन्वय द्रविडची ऑस्ट्रेलियाविरुद्ध स्फोटक खेळी, 18 चेंडूंमध्ये…
राजकोटमध्ये भारत आणि ऑस्ट्रेलियाच्या अंडर-१९ संघांमध्ये झालेल्या पहिल्या अनऑफिशियल वनडे सामन्यात राहुल द्रविडचा मुलगा अन्वय द्रविडने तुफानी फलंदाजी केली. पावसामुळे सामना २० षटकांचा करण्यात आला आणि भारताने ६ बाद १८२ धावा केल्या.
राजकोटमध्ये भारत आणि ऑस्ट्रेलियाच्या १९ वर्षांखालील संघांमध्ये पहिला अनऑफिशियल एकदिवसीय सामना खेळवण्यात आला. पावसाच्या व्यत्ययामुळे हा सामना केवळ २० षटकांचा खेळवण्यात आला, ज्यामध्ये भारताने ६ बाद १८२ धावांपर्यंत मजल मारली.
या सामन्यात भारताचे माजी प्रशिक्षक राहुल द्रविड यांचा मुलगा अन्वय द्रविड याने अत्यंत वादळी फलंदाजी केली. सहाव्या क्रमांकावर फलंदाजीला आलेल्या अन्वयने २११ च्या स्ट्राईक रेटने अवघ्या १८ चेंडूंत ३८ धावांची वेगवान खेळी केली.
भारतीय संघाची अवस्था ४ बाद ८८ अशी असताना अन्वयने यशवर्धन चौहान सोबत एक महत्त्वपूर्ण भागीदारी रचली. या दोघांनी ऑस्ट्रेलियन गोलंदाजांवर प्रतिहल्ला करत केवळ ३४ चेंडूंत ६९ धावांची झंझावाती भागीदारी करून संघाला सावरले.
आपल्या या ३८ धावांच्या वेगवान आणि आक्रमक खेळीत अन्वय द्रविडने २ चौकार आणि ३ गगनचुंबी षटकार लगावले. दबावाच्या परिस्थितीत अजिबात न डगमगता त्याने आपल्या आक्रमक फलंदाजीने ऑस्ट्रेलियन गोलंदाजांची चांगलीच धुलाई केली.
अन्वय द्रविडने याआधी जुलै २०२६ मध्ये श्रीलंका अंडर-१९ विरुद्धच्या मालिकेतही आपल्या उत्कृष्ट फलंदाजीची चमक दाखवली होती. त्या दौऱ्यातील एका एकदिवसीय सामन्यात त्याने ६७ चेंडूत ८७ धावांची शानदार खेळी करून सर्वांचे लक्ष वेधून घेतले होते.
