‘रामायण’मधल्या उर्मिलाचा मॉडर्न अंदाज; 38 वर्षांनंतर बदलला इतका लूक, ओळखणंही कठीण
अंजलीसोबतच्या भेटीचा व्हिडीओ सुनील यांनी सोशल मीडियावर शेअर केला होता. त्यात त्यांनी सांगितलं होतं की गेल्या 30 वर्षांपासून अंजली ही ऑस्ट्रेलियामध्येच राहतेय. अंजलीने रामायण या मालिकेशिवाय काही हिंदी आणि दाक्षिणात्या चित्रपटांमध्येही काम केलंय.
रामानंद सागर यांच्या 'रामायण' या मालिकेत लक्ष्मणाची पत्नी उर्मिलाची भूमिका साकारणारी अभिनेत्री अंजली व्यास तुम्हाला आठवतेय का? स्क्रीनवर पौराणिक कथेतील भूमिका साकारणारी अंजली खऱ्या आयुष्यात मात्र खूप मॉडर्न आहे.
याच मालिकेत लक्ष्मणाची भूमिका साकारलेले अभिनेते सुनील लहरी यांनी त्यांची ऑनस्क्रीन पत्नी उर्मिलाचा मॉडर्न अंदाज नेटकऱ्यांना दाखवला. सुनील यांनी सोशल मीडियावर अंजली यांचा एक व्हिडीओ शेअर केला आहे.
या व्हिडीओमध्ये अंजली 'पुष्पा 2'मधील गाजलेल्या गाण्यावर नाचताना दिसत आहे. या व्हिडीओसोबत सुनील यांनी म्हटलंय, "2025 मध्ये मी तुम्हाला नवी, मॉडर्न आणि नव्या रुपातली म्हणजेच ऑस्ट्रेलियन लूकमधली अंजली दाखवतो. तुम्ही 2024 मध्येही तिला भेटला आहात."
या व्हिडीओमध्ये अंजली व्यास ही रश्मिका आणि अल्लू अर्जुनच्या लोकप्रिय गाण्यावर ठेका धरताना दिसतेय. स्लिव्हलेस ब्लॅक ड्रेसमध्ये ती खूपच ग्लॅमरस दिसत आहे.
रामायण ही मालिका बंद होऊन अनेक वर्षे उलटली तरी आजही त्यातील कलाकारांमध्ये मैत्रीपूर्ण नातं कायम आहे. जवळपास 30 वर्षांनंतर अंजली जेव्हा भारतात परतली, तेव्हासुद्धा तिने सुनील यांची भेट घेतली होती.
