PHOTO | जैसलमेरच्या शाळेचा खास ‘गणवेश’, मुलींच्या शिक्षणाचे महत्त्व पटवून देण्यासाठी सब्यासाचीचा पुढाकार!
मुलींच्या शिक्षणाचे महत्त्व पटवून देण्यासाठी त्याने जैसलमेरमधील एका मुलींच्या शाळेचा ‘गणवेश’ डिझाइन केला आहे.
सब्यासाची मुखर्जी हा बॉलिवूडचा सगळ्यात प्रसिद्ध फॅशन डिझायनर आहे.
अनेक बॉलिवूड कलाकारांनी त्यांच्या लग्नात आणि इतर खास सोहळ्यात सब्यासाचीने डिझाइन केलेले कपडे परिधान केले होते.
सगळ्यात महागड्या फॅशन डिझायनर्समध्ये सब्यासाचीचे नाव घेतले जाते. त्याने डिझाइन केलेल्या कपड्यांना विशेष प्राधान्य दिले जाते.
डिझाइन्ससाठी जितका सब्यासाची प्रसिद्ध आहे, तितकाच तो त्याच्या सामाजिक कार्यासाठीदेखील नावाजला जातो.
मुलींच्या शिक्षणाचे महत्त्व पटवून देण्यासाठी त्याने जैसलमेरमधील एका मुलींच्या शाळेचा ‘गणवेश’ डिझाइन केला आहे.
जैसलमेरमधील ‘राजकुमारी रत्नावती गर्ल्स हायस्कूल’च्या या खास गणवेशाचे फोटो त्याने सोशल मीडियावर पोस्ट केले आहेत.
निळ्या आणि मरून रंगात हा खास गणवेश डिझाइन करण्यात आला आहे. राजस्थानच्या पारंपरिक नक्षीकामाचे चित्र या गणवेशावर पाहायला मिळते.
शिक्षणामुळे मानवाची प्रगती झाली आहे. त्यामुळे शिक्षण हे सगळ्यात महत्त्वाचे असल्याचे, सब्यासाची म्हणतो.
एका अमेरिकन सामाजिक संस्थेने सब्यासाचीला त्यांच्या या प्रोजेक्टवर काम करण्यास आमंत्रित केले होते.
आपण समाजाचे देणे लागतो, या उक्तीवर चालणाऱ्या सब्यासाचीने मोठ्या आनंदाने हा गणवेश डिझाइन केला आहे.