शिवसेनेचे दिग्गज नेते आता व्याही, मंत्री दादा भुसेंच्या मुलाचा खासदार राजन विचारेंच्या कन्येशी विवाह
अविष्कार दादाजी भुसे आणि लतीशा राजन विचारे मालेगावमधील आनंद फार्म येथे विवाह बंधनात अडकले
शिवसेनेच्या दिग्गज नेत्यांच्या मैत्रीचं रुपांतर आता नात्यामध्ये झालं आहे. राज्याचे कृषीमंत्री दादा भुसे यांचा मुलगा आणि ठाण्याचे खासदार राजन विचारे यांच्या कन्येचा विवाह झाला
अविष्कार दादाजी भुसे आणि लतीशा राजन विचारे मालेगावमध्ये विवाह बंधनात अडकले. या विवाह सोहळ्याविषयी अतिशय गुप्तता बाळगण्यात आली होती
अविष्कार आणि लतीशा यांच्या लग्नासाठी जवळच्या नातेवाईकांनाच निमंत्रण होतं
मालेगावातील आनंद फार्म इथे छोटेखानी विवाह सोहळा संपन्न झाला. 'मोजक्या' नातेवाईकांव्यतिरिक्त इतर वऱ्हाडी मंडळींना या विवाह सोहळ्यात 'नो एन्ट्री' होती
राज्यातील काही आमदार, खासदार यांच्या गाड्या गेटमधून सोडण्यात आल्या. पोलीस आणि सुरक्षा पथकांचा मात्र या ठिकाणी राबता पाहायला मिळाला.
राज्याचे सार्वजनिक बांधकाम मंत्री एकनाथ शिंदे यांनी या सोहळ्यास उपस्थित राहून वधू वरांना शुभ आशीर्वाद दिला.
अन्न पुरवठा मंत्री आणि नाशिकचे पालकमंत्री छगन भुजबळ यांनी या विवाह सोहळ्यात ऑनलाईन सहभागी होऊन आविष्कार आणि लतीशा यांना आशीर्वाद दिला.