महाराष्ट्र विकास आघाडीची आज (26 नोव्हेंबर) बैठक ट्रायडेंट हॉटेलमध्ये आयोजित करण्यात आली होती. यावेळी तिन्ही पक्षाचे नेते एकत्र आले होते. या बैठकीत महाराष्ट्राच्या मुख्यमंत्रिपदासाठी उद्धव ठाकरेंच्या नावाची घोषणा करण्यात आली.
या आघाडीच्या बैठकीत राष्ट्रवादीचे अध्यक्ष शरद पवारांकडून शिवसेना पक्षप्रमुख उद्धव ठाकरे यांना पुष्पगुच्छ देऊन त्यांचा सत्कार करण्यात आला.
बैठकीदरम्यान उद्धव ठाकरेंनी आमदारांना मार्गदर्शन केले. यावेळी त्यांनी बाळासाहेबांची आठवणही काढली.
उद्धव ठाकरे 28 नोव्हेंबर रोजी शिवाजीपार्क येथे मुख्यमंत्रिपदाची शपथ घेणार आहे.
ट्रायडेंट हॉटेलमधील बैठीकत तिन्ही पक्षांचे आमदार उपस्थित होते. यावेळी सर्व आमदारांनीही उद्धव ठाकरे आणि शरद पवार यांच्या नावाने घोषणाबाजी केली.
या बैठकीला उद्धव ठाकरेंची पत्नी रश्मी ठाकरे, मुलगा आदित्य ठाकरे, तेजस ठाकरेही उपस्थित होते.
पाहा आणखी फोटो