शोभिताला नागा चैतन्यच्या नावाची हळद लागली; पारंपारिक लूकमध्ये दिसले जोडपे
नागा चैतन्य आणि शोभिता धुलिपाला यांच्या लग्नाचे विधी सुरू झाले आहेत. 29 नोव्हेंबर 2024 म्हणजे आज त्यांचा हळदी सोहळा पार पडला, ज्याचे फोटो सोशल मीडियावर व्हायरल झाले आहेत. शोभिताने हळदीसाठी पिवळ्या रंगाची नंतर लाल रंगाची साडी नेसली होती. दोन्ही आउटफिटमध्ये ती अत्यंत सुंदर दिसत होती.
साऊथ सुपरस्टार नागार्जुनचा मुलगा नागा चैतन्य लवकरच अभिनेत्री शोभिता धुलिपालासोबत लग्न करणार आहे. दोघांच्या लग्नाचे विधीही सुरू झाले आहेत. आज म्हणजेच 29 नोव्हेंबर रोजी या जोडप्याचा हळदी सोहळा संपन्न झाला. ज्याचे फोटो सध्या सोशल मीडियावर व्हायरल झाले आहेत.
नागा चैतन्य आणि शोभिता धुलिपाला यांचा हळदी समारंभ त्यांचे कुटुंबीय आणि जवळच्या मित्रांच्या उपस्थितीत पार पडला.
हळदी समारंभात या दोघांनीही पारंपारिक लूक केला होता. शोभिताने तिच्या हळदी समारंभासाठी आणि मंगलस्नानम विधीसाठी दोन पोशाख परिधान केले होते.
शोभिताने हळदीसाठी पिवळ्या रंगाचा सुंदर साडी नेसली होती. तसेच साडीला साजेसे सोन्याचे दागिनेही तिने घातले होते. फोटोंमध्ये ती हळदीच्या रंगात रंगलेली दिसत आहे.
हळदी समारंभात शोभिता हात जोडून खुर्चीवर बसली आहे आणि तिचे कुटुंबीय अभिनेत्रीवर पाणी ओतताना दिसत आहेत.
हळदी समारंभ पूर्ण झाल्यानंतर पुढील विधीसाठी शोभिता लाल रंगाच्या साडीत दिसून आली. ज्यासोबत तिने पूर्ण हाताचा ब्लाउज कॅरी केला आहे. फोटोमध्ये नागा चैतन्य पांढऱ्या कुर्त्यामध्ये दिसत आहे. जो आपल्या भावी वधूकडे पाहत होता.
नागा चैतन्य आणि शोभिता धुलिपाला यांची काही महिन्यांपूर्वीच एंगेजमेंट झाली होती.
