स्मार्ट टीव्ही भिंतीवर लावावा की टेबलवर ठेवावा? सुरक्षित पर्याय कोणता?
नवीन स्मार्ट टीव्ही भिंतीवर लावणे सुरक्षित की टेबलवर ठेवणे सोयीचे? जाणून घ्या तुमच्या घरासाठी नेमका कोणता पर्याय सर्वोत्तम आहे.
आजकाल जवळपास प्रत्येक घरात स्मार्ट टीव्ही असल्याचे पाहायला मिळते. नवीन टीव्ही खरेदी केल्यानंतर तो भिंतीवर लावावा की तो टेबलावर ठेवावा, असा प्रश्न अनेकांना पडतो. अशावेळी टीव्हीची सुरक्षितता आणि घराची गरज विचारात घेणे अत्यंत महत्त्वाचे असते.
जर तुमच्या घरात लहान मुले किंवा पाळीव प्राणी असतील, तर टीव्ही भिंतीवर लावणे केव्हाही सुरक्षित मानले जाते. यामुळे टीव्हीला धक्का लागून तो पडण्याचा धोका टळतो. याशिवाय, वॉल माउंट केल्यामुळे खोलीतील जागा वाचते. तसेच घराला एक आधुनिक, स्वच्छ लूक मिळतो.
विशेषतः ४३ इंच किंवा त्याहून मोठ्या आकाराच्या टीव्हीसाठी वॉल माउंट हा सर्वोत्तम पर्याय आहे. मात्र, भिंतीवर टीव्ही लावण्यापूर्वी भिंत मजबूत आहे का, हे तपासणे गरजेचे आहे. तसेच ५५ इंच किंवा त्याहून मोठ्या आकाराच्या टीव्हीसाठी वॉल माउंट हा एक उत्तम पर्याय मानला जातो.
जर तुम्ही भाड्याच्या घरात राहत असाल आणि भिंतीला जास्त छिद्रे पाडायची नसतील, तर टीव्ही टेबलवर ठेवणे अधिक सोयीस्कर ठरते. याशिवाय, जर तुम्हाला खोलीची मांडणी किंवा टीव्हीची जागा वारंवार बदलायची असेल, तर टेबलचा पर्याय उत्तम आहे. टीव्हीसोबत साउंडबार, गेमिंग कन्सोल किंवा सेट-टॉप बॉक्स यांसारख्या ॲक्सेसरीज ठेवायच्या असल्यास टीव्ही युनिट अधिक सोयीचे पडते.
सुरक्षिततेचा विचार केल्यास, मजबूत भिंतीवर व्यवस्थित बसवलेला वॉल माउंट हाच सर्वात सुरक्षित पर्याय आहे. मात्र, जर तुम्ही टीव्ही टेबलवर ठेवणार असाल, तर तो सुरक्षित करण्यासाठी अँटी-टिप स्ट्रॅप्स (Anti-Tip Straps) चा वापर करणे अत्यंत आवश्यक आहे, जेणेकरून टीव्ही पुढे झुकून पडणार नाही.
तसेच टीव्हीच्या मागे पुरेशी हवेशीर जागा ठेवा. जेणेकरून टीव्ही गरम होणार नाही आणि उष्णता सहज बाहेर पडेल. तसेच टीव्ही थेट सूर्यप्रकाशात किंवा कोणत्याही उष्णतेच्या स्रोताजवळ ठेवू नका.
