Sara Tendulkar Photos: सारा तेंडुलकर 23 वर्षांची झाली, तिच्याविषयीच्या काही महत्त्वाच्या गोष्टी
Happy B'day Sara Tendulkar: सारा तेंडुलकर 23 वर्षांची झाली, तिच्याविषयीच्या काही महत्त्वाच्या गोष्टी
मुंबई : भारतीय क्रिकेट संघातील माजी दिग्गज खेळाडू सचिन तेंडुलकरची मुलगी सारा तेंडुलकरचा आज (12 ऑक्टोबर) जन्मदिन आहे (Happy birthday Sara Tendulkar). ती 23 वर्षांची झाली असून या निमित्ताने तिच्याविषयीच्या काही महत्त्वाच्या गोष्टी आपण समजून घेणार आहोत.
- मुंबईत जन्मलेल्या साराने युनिव्हर्सिटी कॉलेज, लंडन (UCL) येथून मेडिसिनमध्ये ग्रॅज्युएशन केलं आहे.
- सारा तेंडुलकरचं नाव जगातील सर्वात प्रसिद्ध सेलिब्रेटींच्या स्टार किड्सच्या यादीत येतं. आपल्या शिक्षणानंतर ती आता आपल्या करिअरलाही सुरुवात करण्याची तयारी करत आहे.
- साराचं नाव क्रिकेटच्या एका लोकप्रिय टूर्नामेंट ‘सहारा कप’वरुन ठेवण्यात आलं आहे. ही पहिली अशी मालिका आहे जी सचिनने 1997 मध्ये कप्तान म्हणून पहिल्यांदा जिंकली.
- 1990 मध्ये सचिन तेंडुलकरने मॅनचेस्टरमध्ये आपलं पहिलं कसोटी शतक पूर्ण केलं. त्यावेळी सचिनला भेट म्हणून शँपेनची एक बॉटल मिळाली होती. सचिन तेव्हा अंडर-18 होता. त्यामुळे त्याने तेव्हा ती बॉटल उघडली नाही, मात्र 8 वर्षांनी जेव्हा साराचा जन्म झाला तेव्हा या खुशीत सचिनने ही शँपेनची बॉटल उघडली.
- स्टार किड असल्याने साराला अनेकदा अडचणींचाही सामना करावा लागला. 2018 मध्ये मुंबई पोलिसांच्या सायबर सेलने साराच्या नावाने फेक अकाऊंट सुरु करणाऱ्या अंधेरीतील एका सॉफ्टवेअर इंजीनियरला अटक केली होती. तो साराच्या नावे राजकीय नेत्यांच्या पोस्टवर आक्षेपार्ह कमेंट करायचा.
- रणवीर सिंह सारा तेंडुलकरचा सर्वात आवडता बॉलिवूड अभिनेता आहे आणि बाजीराव मस्तानी तिची सर्वात आवडती फिल्म आहे. साराला चित्रपटांची खूप आवड आहे. ती नेहमीच आपल्या मित्रासोबत चित्रपट पाहायला थिएटरमध्ये जाते.
- काही दिवसांपूर्वी तर सारा बॉलिवूडमध्ये पदार्पण करणार असल्याचीही चर्चा होती. तसेच ती शाहिद कपूरसोबत काम करेल असंही बोललं गेलं होतं. मात्र, सचिनने या बातम्यांचं खंडण केलं होतं.
