साताऱ्याच्या 17 वर्षीय अदिती स्वामी हीने रचला इतिहास, तिरंदाजीत बनली भारताची पहिली वर्ल्ड चॅम्पियन
महाराष्ट्राच्या 17 वर्षीय महिला तिरंदाज अदिती स्वामी हिने इतिहास रचला आहे. तिरंदाजी विश्व चॅम्पियनशिपमध्ये वैयक्तिक सुवर्ण जिंकणारी पहिला महिला भारतीय ठरली आहे.
भारताच्या अदिती स्वामी हीने जर्मनीची राजधानी बर्लिन येथे सुरू असलेल्या जागतिक तिरंदाजी स्पर्धेत हा पराक्रम करून इतिहास रचला आहे.
ज्युनिअर विश्व किताब जिंकल्यानंतर दोन महिन्यांच्या आत 17 वर्षीय अदिती स्वामी हीने विश्व तिरंदाजी चॅम्पियनशिपच्या कंपाउंड महिला अंतिम फेरीत पुन्हा जेतेपद पटकावलं.
साताऱ्याच्या अदिती स्वामी हिने यापूर्वी लिमरिकमध्ये युवा चॅम्पियनशिपच्या अंडर 18 मध्ये जेतेपद जिंकलं होतं.
अंतिम फेरीत अदितीने मेक्सिकोच्या अँड्रिया बेक्वेरा हिचा 149-147 अशा गुणांनी पराभव केला.
अदिती स्वामी हीच्यासह ज्योती सुरेखा हीने कांस्य पद पटकावलं. उपांत्य फेरीत अदितीने ज्योतीला पराभूत केलं होतं.
वर्ल्ड आर्चरीच्या इतिहासात सर्वात कमी वयाची वर्ल्ड चॅम्पियन बनण्याचा मान अदितीला मिळाला आहे.
अदिती स्वामी, ज्योती वेन्नम आणि परनीत यांनी भारताला सांघिक प्रकारातील जागतिक अजिंक्यपद स्पर्धेतील पहिलेवहिले सुवर्ण मिळवून दिलं आहे.
