Icc World Cup 2023 आधी टीम इंडियात मोठा बदल, नक्की काय झालंय?
Team India Icc World Cup 2023 | वर्ल्ड कप स्पर्धेला काहीच दिवस बाकी असताना बीसीसीआयने एक व्हीडिओ ट्विट केलाय. या व्हीडिओत टीम इंडियात मोठा बदल झालेला दिसतोय. पाहा नक्की काय झालंय?
आयसीसी वनडे वर्ल्ड कपसाठी जोरदार तयारी सुरु आहे. या वर्ल्ड कपमध्ये एकूण 10 संघ सहभागी होणार आहेत. त्यापैकी 7 संघाची घोषणा केलीय. तर 3 संघाची घोषणा व्हायची आहे. या दरम्यान टीम इंडियाच्या गोटातून मोठी बातमी समोर आली आहे.
टीम इंडियाची वर्ल्ड कपसाठी घोषणाही करण्यात आलीय. आयसीसी वनडे वर्ल्ड कपला 5 ऑक्टोबरपासून सुरुवात होणार आहे. तर 8 ऑक्टोबरला टीम इंडियाचा पहिला सामना आहे. त्याआधीच टीम इंडिया नव्या लूकमध्ये दिसणार आहे. वर्ल्ड कपसाठी अदीदासने टीम इंडियाची नव्या जर्सीचं अनावरण केलंय. अदीदास टीम इंडियाची कीट स्पॉन्सर आहे.
बीसीसीआयने टीम इंडियाच्या खेळाडूंच नव्या जर्सीतील नव्या लूकचा व्हीडिओ ट्विट केला आहे. या व्हीडिओत रोहित शर्मा, विराट कोहली, शुबमन गिल, रवींद्र जडेजा आणि मोहम्मद सिराज दिसत आहेत.
बीसीसीआयने ट्विट केलेल्या व्हीडिओत टीम इंडियाचे खेळाडू नव्या जर्सीत दिसत आहे. आम्ही वर्ल्ड कपसाठी सज्ज असल्याचं खेळाडूंनी या व्हीडिओद्वारे सांगतिलंय.
भारतात 2011 नंतर 12 वर्षांनी वर्ल्ड कपचं आयोजन करण्यात आलंय. एकूण 45 दिवस 48 सामने खेळवण्यात येणार आहेत. भारतात वर्ल्ड कप होत असल्याने टीम इंडिया प्रबळ दावेदार आहे.
दरम्यान वर्ल्ड कपमधील पहिला सामना हा 5 ऑक्टोबर रोजी होणार आहेत. हा सामना इंग्लंड विरुद्ध न्यूझीलंड यांच्यात होणार आहे.
