IPL 2026: अर्शदीप सिंगकडे इतिहास रचण्याची संधी, कोलकात्याविरुद्ध शतक ठोकणार; फक्त…
आयपीएल 2026 स्पर्धेच्या 12व्या सामन्यात कोलकाता नाईट रायडर्स आणि पंजाब किंग्स हे संघ आमनेसामने येणार आहेत. या सामन्यात कोलकात्यावर विजयाचं दडपण असणार आहे. तर पंजाब किंग्सच्या अर्शदीप सिंगकडे शतकाची संधी आहे.
आयपीएल 2026 स्पर्धेतील 12व्या सामन्यात कोलकाता नाईट रायडर्स आणि पंजाब किंग्स यांच्यात लढत होणार आहे. हा सामना कोलकात्यातली ईडन गार्डन्सवर खेळला जाणार आहे. या सामन्यात कोलकाता विजयी ट्रॅकवर परतण्याचा प्रयत्न करेल. दुसरीकडे, अर्शदीप सिंगवर नजरा असतील. (Photo- Punjab Kings Twitter)
पंजाब किंग्सचा वेगवान गोलंदाज अर्शदीप सिंगकडे शतक ठोकण्याची संधी आहे. हे शतक धावांचं नाही तर विकेटचं असणार आहे. अर्शदीप सिंगने आतापर्यंत आयपीएलमध्ये 97 बळी घेतले आहेत. त्यामुळे कोलकात्याविरुद्धच्या सामन्यात 100 विकेटचा टप्पा गाठू शकतो. (Photo- Punjab Kings Twitter)
आयपीएल स्पर्धेत आतापर्यंत पंजाब किंग्ससाठी कोणत्याही गोलंदाजाने 100 विकेट घेतलेल्या नाहीत. अर्शदीप सिंगने केकेआरविरुद्ध 3 विकेट घेताच हा विक्रम त्याच्या नावावर होणार आहे. पंजाब किंग्ससाठी 100 विकेट घेणारा पहिला गोलंदाज ठरेल.(Photo- Punjab Kings Twitter)
अर्शदीप सिंगने 2019 मध्ये आयपीएलमध्ये पदार्पण केले आणि तेव्हापासून पंजाब किंग्स फ्रँचायझीसोबत आहे. त्याचा फ्रँचायझीसाठी आपला सलग आठवा हंगाम आहे. त्याने 83 डावांमध्ये 27.35 च्या सरासरीने 9.03 च्या इकॉनॉमीने आणि 18.1 च्या स्ट्राइक रेटने 97 बळी घेतले आहेत. (Photo- Punjab Kings Twitter)
आयपीएलमध्ये पंजाब किंग्ससाठी सर्वाधिक विकेट घेणाऱ्या गोलंदाजांच्या यादीत अर्शदीप सिंग अव्वल स्थानी आहे. 84 विकेटसह पियुष चावला दुसऱ्या क्रमांकावर, 73 विकेटसह संदीप शर्मा तिसऱ्या स्थानी, 69 विकेटसह अर्शदीप सिंग चौथ्या स्थानी आणि 58 विकेटसह मोहम्मद शमी पाचव्या स्थानावर आहे. (Photo- Punjab Kings Twitter)
