Bcci Salary : बीसीसीआय अधिकाऱ्यांना किती वेतन मिळतं? जाणून घ्या आकडा
BCCI President Salary : क्रिकेटपटूंना किती वेतन मिळतं हे चाहत्यांना समजतं. मात्र बीसीसीआय अधिकाऱ्यांचं वेतन किती मिळतं? त्यांना काय सुविधा मिळतात? जाणून घ्या.
बीसीसीआय अर्थात भारतीय क्रिकेट नियमाक मंडळ, जगातील सर्वात श्रीमंत क्रिकेट बोर्ड. बीसीसीआयची आयपीएल स्पर्धेतून कोटींची कमाई होते. आयपीएलमधून खेळाडूंची प्रसिद्धीसह रग्गड कमाईही होते. खेळाडूंना किती रक्कम मिळते,हे समोर येतं.मात्र बीसीसीआयच्या अधिकाऱ्यांना वेतन किती मिळतं हे अनेकांना माहित नाही.
टीम इंडियाचे माजी क्रिकेटर रॉजर बिन्नी हे बीसीसीआय अध्यक्ष आहेत. तर जय शाह हे बीसीसीआय सचिव आहेत. राजीव शुक्ला हे उपाध्यक्ष आहेत. तर अरुण धुमल हे आयपीएलचे चेयरमन आहेत.
जीक्यूवरील वृ्त्तानुसार, बीसीसीआय अध्यक्ष रॉजर बिन्नी यांना वेतन म्हणून वार्षिक 5 कोटी रुपये मिळतात. रिपोर्ट्नसुार, माजी अध्यक्ष सौरव गांगुलीलाही इतकंच वेतन होतं. तर सचिवासह इतर अधिकाऱ्यांनाही रग्गड वेतन आहे.
रिपोर्ट्नुसार, बीसीसीआय अधिकाऱ्यांना मासिक वेतन मिळत नाही. तर त्यांना दिवसाच्या हिशोबाने भत्ता दिला जातो. रिपोर्टनुसार, बीसीसीआयच्या सर्व सदस्यांना दिवसाच्या हिशोबाने एका बैठकीसाठी 40 हजार रुपये मिळतात. तर आयपीएल चेयरमॅन अरुण धुमल यांनाही 40 हजार रुपये मिळतात.
जय शाह यांना किती वेतन आहे, याबाबत कोणतीही अधिकृत माहिती मिळाली नाही. मात्र रिपोर्ट्सनुसार, शाह यांनाही दिवसाच्या हिशोबाने भत्ता मिळतो. हे अधिकारी विदेश दौऱ्यावर असताना भत्ता वाढतो. तसेच येण्या-जाण्यासाठी बिजनेस क्लासचं तिकीटही मिळतं.