Marathi News Photo gallery Sports photos Fact check surykumar yadav announced retirement international cricket after his remove t20i captaincy know what true what false
Suryakumar Yadav Retirement X Post Fact Check : बीसीसीआय निवड समितीने सूर्यकुमार यादव याला हटवून श्रेयस अय्यर याची टी 20i टीम इंडियाच्या कर्णधारपदी नियुक्ती केली. त्यानंतर सूर्यकुमार यादव याच्या नावाने आंतरराष्ट्रीय क्रिकेटमधील निवृत्तीची एक पोस्ट व्हायरल झाली आहे. जाणून घ्या.
Sanjay patil |
Updated on: Jun 07, 2026 | 2:35 PM
Share
सूर्यकुमार यादव याला 6 जून रोजी टी 20 टीम इंडियाच्या कर्णधारपदावरुन हटवण्यात आलं. सूर्याच्या जागी श्रेयस अय्यर याला नेतृत्वाची जबाबदारी देण्यात आली. सूर्याला आयर्लंड आणि इंग्लंड विरूद्धच्या टी 20i मालिकेसाठी संघात स्थानही देण्यात आलेलं नाही. अशात सूर्याची आंतरराष्ट्रीय कारकीर्द संपल्याची चर्चा रंगली आहे. तर दुसऱ्या बाजूला सूर्यकुमार यादव याने आंतरराष्ट्रीय क्रिकेटमधून निवृत्ती घेतल्याची एक पोस्ट व्हायरल झाली आहे. याबाबत नेमकं सत्य काय? हे जाणून घेऊयात. (Photo Credit: PTI)
1 / 5
माझ्यासाठी पहिल्या बॉलवर सिक्स ठोकण्यापासून ते टी 20i वर्ल्ड कप उंचावणं हा प्रवास शानदार होता. मी आंतरराष्ट्रीय क्रिकेटमधून निवृत्ती घेत आहे, अशी आशयाची एक्स पोस्ट सूर्यकुमार यादव या नावाच्या खात्यावरुन करण्यात आली आहे. (Photo Credit: PTI)
2 / 5
या पोस्टला अनेक नेटकऱ्यांनी लाईक केलं आहे. तसेच अनेक क्रिकेट चाहत्यांनी निवृत्तीच्या निर्णयामुळे आश्चर्य व्यक्त केलं. मात्र काही मिनिटांतच सत्य समोर आलं. सूर्यकुमार यादव या नावाच्या फेक अकाउंटवरुन ही पोस्ट करण्यात आली आहे. (Photo: X Screenshot)
3 / 5
त्यामुळे सूर्याने आंतरराष्ट्रीय क्रिकेटमधून निवृत्ती घेतली नसल्याचं स्पष्ट झालं आहे. त्यामुळे क्रिकेट चाहत्यांना मोठा दिलासा मिळाला आहे. मात्र क्रिकेट चाहत्यांना सूर्याच्या कमबॅकसाठी किमान 2 महिने प्रतिक्षा करावी लागणार आहे. (Photo Credit: PTI)
4 / 5
सूर्याने टीम इंडियाला त्याच्या नेतृत्वात टीम इंडियाला 8 टी 20i मालिका जिंकून दिल्या आहेत. तसेच सूर्याने मार्च 2026 मध्ये त्याच्या नेतृत्वात पहिल्यांदा आणि एकूण तिसऱ्यांदा टी 20i वर्ल्ड कप जिंकून देण्याची कामगिरी केली होती. (Photo Credit: Getty Images)
