World Cup 2023 | टीम इंडियाच्या टॉप 11 खेळाडूंचे वर्ल्ड कपमधील आकडे, कोण भारी?
Icc World Cup 2023 Team India | टीम इंडियाने आयसीसी वनडे वर्ल्ड कप 2023 साखळी फेरीत शंभर नंबरी कामगिरी केली. रोहित शर्मा याच्या नेतृत्वात टीम इंडियाच्या खेळाडूंनी अफलातून कामगिरी करत विजयात मोठी भूमिका पार पाडली.
आयसीसी वनडे वर्ल्ड कप 2023 स्पर्धेतील साखळी फेरी पार पडली. टीम इंडियाने सलग 9 सामने जिंकले. टीम इंडियाच्या विजयात योगदान देणाऱ्या टॉप 11 खेळाडूंची कामगिरी आपण जाणून घेणार आहोत.
टीम इंडियाचा कॅप्टन रोहित शर्मा याने बॅटिंगने धमाका केला. रोहितने 9 सामन्यात 503 धावा केल्या. तसेच 1 विकेटही घेतली.
ओपनर शुबमन गिल याने 270 धावा केल्या. शुबमनला डेंग्युमुळे पहिल्या 2 सामन्यात खेळता आलं नाही.
विराट कोहली याने 9 सामन्यात टीम इंडियासाठी निर्णायक भूमिका बजावली. विराटने 594 धावा आणि 1 विकेट घेतली.
मुंबईकर श्रेयस अय्यर याला सुरुवातीला धावांसाठी संघर्ष करावा लागला. मात्र श्रेयसला त्यानंतर सूर गवसला. श्रेयसने 421 रन्स केल्या.
विकेटकीपर बॅट्समन केएल राहुल याने 347 धावा केल्या. तसेच विकेटमागून निर्णायक भूमिका बजावली.
सूर्यकुमार यादव याला वर्ल्ड कपमध्ये फारशी संधी मिळाली नाही. मात्र तरीही सूर्याने 87 रन्स केल्या.
रवींद्र जडेजा याने टीम इंडियासाठी अष्टपैलू कामगिरी केली. जडेजाने 16 विकेट्स आणि 111 धावा केल्या.
मोहम्मद शमी याला सुरुवातीच्या काही सामन्यांमध्ये संधी मिळाली नाही. मात्र शमीने मागून येऊन 16 विकेट्स घेतल्या.
यॉर्करकिंग जसप्रीत बुमराहने यानेही आपल्या भेदक माऱ्याच्या जोरावर धमाका केला. बुमराहने 17 विकेट्स घेतल्या.
चायनामॅन बॉलर कुलदीप यादव याने आपल्या फिरकीच्या जोरावर भल्या भल्यांना गुंडाळलं. कुलदीपने 14 विकेट्स मिळवल्या.
'मॅजिक मिया' मोहम्मद सिराज याने 12 विकेट्स घेतल्या. मोहम्मद सिराज आयसीसी वनडे बॉलिंग रँकिगमध्ये नंबर 1 ठरला.
