जोस इंग्लिसने भारतीय गोलंदाजांना सळो की पळो करून सोडलं, शतक ठोकत तोडला मॅक्सवेलचा रेकॉर्ड
वनडे वर्ल्डकप स्पर्धेतील पराभवानंतर टीम इंडिया पुन्हा एकदा नव्या जोशाने मैदानात उतरली आहे. 2024 टी20 वर्ल्डकपला आता सहा महिने शिल्लक आहेत. त्या दृष्टीने आतापासूनच मोर्चेबांधणी सुरु झाली आहे. पण या सामन्यात ऑस्ट्रेलियाच्या जोश इंग्लिसने भारतीय गोलंदाजांना आस्मान दाखवलं.
भारत विरुद्ध ऑस्ट्रेलिया यांच्यात पाच सामन्यांची टी20 मालिका सुरु झाली आहे. पहिल्या सामन्यात ऑस्ट्र्लियाने भारतासमोर विजयासाठी 20 षटकात 3 गडी गमवून 209 धावांचं आव्हान दिलं. यात जोश इंग्लिसने जबरदस्त खेळी केली.
जोस इंग्लिसने टी20 आंतरराष्ट्रीय सामन्यातील पहिलं शतक ठोकलं. तसेच दुसऱ्या गड्यासाठी स्टीव्ह स्मिथसोबत 67 चेंडूत 130 धावांची खेळी केली.
जोस इंग्लिसने 47 चेंडूत आपलं शतक पूर्ण केलं. यात त्याने 8 षटकार आणि 9 चौकार मारले. टी20 करिअरमधील हे जोश इंग्लिसचं पहिलंच शतक आहे
जोस इंग्लिसने 50 चेंडूत 110 धावा केल्या. यात त्याने 8 षटकार आणि 11 चौकार मारले. यासह त्याने ग्लेन मॅक्सवेल याचा विकेट मोडीत काढला. ऑस्ट्रेलियाकडून टी20 मध्ये सर्वात वेगवान शतक ठोकणारा दुसरा फलंदाज ठरला आहे.
ऑस्ट्रेलियाच्या एरोन फिंचने इंग्लंड विरुद्ध 47 चेंडूत शतक ठोकलं होतं. त्यानंतर जोस इंग्लिस हा दुसऱ्या क्रमांकावर असून शतकासाठी 47 चेंडू घेतले. तिसऱ्या क्रमांकावर ग्लेन मॅक्सवेल असून त्याने 49 चेंडू घेतले होते.
वनडे वर्ल्डकप 2023 स्पर्धेच्या अंतिम सामन्यात विकेटमागे चार झेल घेतले होते.
