IND vs NZ | न्यूझीलंडच्या खेळाडूंना किती वेतन? टीम इंडियाच्या तुलनेत किती फरक?
India and New Zealand Cricketer Salary Comparison | टीम इंडिया आयसीसी वनडे वर्ल्ड कप 2023 मधील पुढील सामना हा न्यूझीलंड विरुद्ध खेळणार आहे. जाणून घ्या दोघांपैकी कोणत्या टीमच्या खेळाडूंना सर्वाधिक वेतन मिळतं.
न्यूझीलंड क्रिकेट टीमच्या खेळाडूंना भारतीय संघांच्या क्रिकेटपटूंच्या तुलनेत फार कमी वेतन मिळतं. वार्षिक करार ते मॅच फीस म्हणून मिळणारी रक्कम यामध्येही फार फरक आहे.
बीसीसीआय वार्षिक करारासाठी खेळाडूंची एकूण 4 श्रेणीत वर्गवारी करते. ए प्लस, ए, बी आणि सी अशा 4 श्रेणींनुसार वार्षिक करारानुसार खेळाडूंना मानधन मिळतं. मात्र न्यूझीलंच्या खेळाडूंना श्रेणीनुसार नाही, कर रँकनुसार वेतन ठरतं.
बीसीसीआयच्या ए प्लस कॅटेगरीत विराट कोहली, रोहित शर्मा आणि जसप्रीत बुमराह हे तिघे आहे. या तिघांना वार्षिक 7 कोटी मिळतात. तर न्यूझीलंडचा टॉप रँकमध्ये असलेला खेळाडू केन विलियमसन याला 5 लाख 23 हजार 396 हजार न्यूझीलंड डॉलर (2 कोटी 50 लाख भारतीय रुपये) एका वर्षासाठी मिळतात.
तर बीसीसीआय आपल्या खेळाडूंना ए प्लस, ए, बी आणि सी या श्रेणींनुसार अनुक्रमे 7, 5, 3 आणि 1 कोटी रुपये वार्षित देते. तर न्यूझीलंडच्या खेळाडूंचं वेतन हे रँकनुसार कमी होतं जातं. म्हणजे जर न्यूझीलंडच्या एका खेळाडूची रँक ही 10 असेल, तर त्याला 4 लाख, 44 हजार 196 न्यूझीलंड डॉलर (2 कोटी 15 लाख रुपये) मिळतात.
टीम इंडिया आणि न्यूझीलंड खेळाडूंना एक मॅचसाठी मिळणाऱ्या मानधनाच्या रक्कमेत ही फार फरक आहे. टीम इंडियाच्या खेळाडूंना एका कसोटीसाठी 15, वनडेसाठी 6 आणि टी 20 साठी 3 लाख रुपये मिळतात. तर न्यूझीलडं बोर्ड आपल्या खेळाडूंना एका टेस्टसाठी 5, वनडेसाठी 2 आणि टी 20 साठी 1 लाख 20 हजार रुपये देतं.
