Smriti Mandhana Record : सांगलीकर स्मृतीचा धमाका, नेदरलँड्स विरुद्ध 3 रेकॉर्ड्स, काय काय केलं?
Icc Womens T20i World Cup 2026 : वुमन्स वर्ल्ड कप 2026 स्पर्धेतील दहाव्या सामन्यात स्मृती मंधाना हीने 74 धावांच्या खेळीसह 3 विक्रम आपल्या नावावर केले. जाणून घ्या टीम इंडियाच्या ओपनरने काय काय विक्रम केले.
भारतीय फलंदाज स्मृती मंधाना हीने पुन्हा एकदा धमाका केलाय. स्मृतीने वुमन्स वर्ल्ड कप 2026 स्पर्धेत सलग दुसरं अर्धशतक लगावलं. स्मृतीने नेदरलँड्स विरुद्ध 74 धावा केल्या.(Photo Credit : PTI)
स्मृतीने नेदरलँड्स विरुद्ध 36 चेंडूत अर्धशतक पूर्ण केलं. स्मृतीने या खेळीत 11 चौकार आणि 1 षटकार लगावला. स्मृतीने या खेळीसह 3 विक्रम मोडीत काढले. (Photo Credit : PTI)
स्मृती टी 20i क्रिकेटमध्ये 600 चौकारांचा आकडा गाठणारी पहिली फलंदाज ठरली आहे. स्मृतीने टी 20i क्रिकेटमध्ये 603 चौकार लगावले आहेत. (Photo Credit : PTI)
स्मृती भारताकडून टी 20i वर्ल्ड कप स्पर्धेत सर्वाधिक अर्धशतकं करणारी फलंदाज ठरली आहे. स्मृतीची या स्पर्धेत अर्धशतक करण्याची सहावी वेळ ठरली. स्मृतीने यासह हरमनप्रीत कौर हीला मागे टाकलं. (Photo Credit : PTI)
तसेच स्मृतीने शफाली वर्मा हीच्यासह खास कामगिरी केली. स्मृती आणि शफाली टी 20i क्रिकेटमध्ये आतापर्यंत एकूण 3 हजार 500 धावांची भागीदारी केली आहे. शफालीने नेदरलँड्स विरुद्ध 55 धावांची खेळी केली. (Photo Credit : PTI)
