IPL 2025 : केएल राहुलने नाकारली लखनौची मोठी ऑफर? आरसीबीनं लावली फिल्डिंग!
आयपीएल रिटेन्शन यादी सोपवण्यासाठी अवघ्या काही तासांचा अवधी शिल्लक आहे. 31 ऑक्टोबर रोजी संध्याकाळी पाच वाजेपर्यंत यादी सोपवली जाणार आहे. दरम्यान, लखनौ सुपर जायंट्स कोणाला रिटेन याची उत्सुकता आहे. असं असताना केएल राहुलने 18 कोटी रुपयांचा करार नाकारल्याची चर्चा आहे.
आयपीएल 2025 स्पर्धेपूर्वी मेगा लिलाव पार पडणार आहे. तत्पूर्वी फ्रेंचायझींना रिटेन केलेल्या खेळाडूंची यादी 31 ऑक्टोबरला संध्याकाळी 5 वाजेपर्यंत बीसीसीआयकडे सुपूर्द करायची आहे. असं असताना लखनौ सुपर जायंट्सचा कर्णधार केएल राहुलबाबत चर्चांना उधाण आलं आहे. रिटेन्शन यादीत केएल राहुलचं नाव नसल्याची चर्चा आहे.
केएल राहुलला रिटेन करण्यासाठी लखनौ सुपर जायंट्सने खूप प्रयत्न केले. पण केएल राहुलने फ्रेंचायझीसाठी न खेळण्याचा निर्णय घेतल्याची चर्चा आहे. लखनौने मोठी रक्कम केएल राहुलला देण्याचा प्रस्ताव ठेवला होता. पण त्याने त्याकडे पाठ फिरवल्याचं सांगण्यात येत आहे.
केएल राहुल मागच्या तीन पर्वात लखनौ सुपर जायंट्सचं नेतृत्व करत आहे. दोन पर्वात लखनौची कामगिरी जबर राहिली. पण मागच्या पर्वात लखनौच्या कामगिरीचा आलेख प्रचंड पडला. त्यात मालक गोयंका आणि केएल राहुल यांच्यात वाद झाल्याचं चर्चा रंगली होती. त्यानंतर केएल राहुलने फ्रेंचायझी सोडण्याचा निर्णय घेतल्याचं बोललं जात आहे.
केएल राहुलच्या बॅटिंगचा स्ट्राईक रेट पाहून त्याला संघात ठेवायचं की नाही असं वृत्त यापूर्वी आलं होतं. आता त्याला रिटेन्शन यादीत पहिल्या क्रमांकावर ठेवण्यासाठी संघ उत्सुक असल्याची बातम्या येत आहे. फ्रेंचायझी त्याला 18 देण्यास तयार आहे. पण त्याने या सर्व ऑफर आता नाकारल्या आहेत.
केएल राहुलला संघात घेण्यासाठी काही फ्रेंचायझी उत्सुक आहेत. यात रॉयल चॅलेंजर्स बंगळुरु आणि चेन्नई सुपर किंग्स ही मोठी नावं आहेत. यापूर्वी केएल राहुल आरसीबीकडून खेळला आहे. दरम्यान, गुजरात टायटन्स आणि राजस्थान रॉयल्सनेही फिल्डिंग लावली आहे. त्यामुळे केएल राहुलला रिलीज केलं, तर त्याला किती रक्कम मिळेल याची उत्सुकता आहे.
