IPL 2026 Final: शुबमन विराटपैकी सरस कोण? दोघांची एकमेकांच्या संघाविरुद्ध अशी कामगिरी, पाहा आकडे
RCB vs GT IPL 2026 Final, Virat Kohli vs Shubman Gill : शुबमन गिल आणि विराट कोहली या दोघांनी 19 व्या मोसमात खोऱ्याने धावा केल्यात. दोघांनीही आपल्या बॅटिंगने चाबूक कामगिरी करत टीमच्या विजयात योगदान दिलंय. मात्र दोघांनी आतापर्यंत एकमेकांविरूद्धच्या सामन्यात किती धावा केल्यात? जाणून घ्या.
आयपीएल 2026 स्पर्धेच्या अंतिम सामन्यात होम टीम गुजरात टायटन्ससमोर गतविजेत्या रॉयल चॅलेंजर्स बंगळुरुचं आव्हान असणार आहे. या सामन्यात आरसीबीचा विराट कोहली आणि गुजरात टीमचा शुबमन गिल या 2 स्टार खेळाडूंच्या कामगिरीकडे चाहत्यांचं बारीक लक्ष असणार आहे.
आरसीबी विरुद्ध गुजरात यांच्यात आयपीएल स्पर्धेत अनेकदा आमनासामना झाला आहे. मात्र विराट आणि शुबमन यांनी एकमेकांच्या संघाविरुद्ध किती धावा केल्यात? दोघांपैकी कोण सरस आहे? हे अंतिम सामन्याच्या निमित्ताने जाणून घेऊयात.
विराट गुजरात विरुद्ध 9 सामने खेळला आहे. विराटने या 9 डावांत 503 धावा केल्या आहेत. विराटने या दरम्यान 70 पेक्षा अधिकच्या सरासरीने धावा कुटल्या आहेत. तसेच विराटने या दरम्यान 1 शतक आणि 4 अर्धशतकंही झळकावली आहेत.
तसेच शुबमन गुजरातआधी कोलकाताचं प्रतिनिधित्व करायचा. शुबमनने आतापर्यंत दोन्ही संघांकडून आरसीबी विरुद्ध 17 डावांत 395 धावा केल्या आहेत. शुबमनने या दरम्यान 1 शतकही केलंय.
योगायोग म्हणा किंवा आणखी काही, विराट आणि शुबमन या दोघांनी एकाच सामन्यात एकमेकांविरुद्ध शतक केलंय. उभयसंघात 2023 झालेल्या सामन्यात विराटने 101 धावा केल्या होत्या. तर शुबमनने विराटपेक्षा 3 धावा जास्त करुन (104) गुजरातला जिंकवलं होतं. (All Photo Credit : TV9 Bharatvarsh)
