World Cup 2023 साखळी फेरीतील टॉप 6 बॉलर, सर्वोत्तम कोण?
Icc World Cup 2023 | आयसीसीच्या 13 व्या वनडे वर्ल्ड कप स्पर्धेतील साखळी फेरीत गोलंदाजानी चमकदार कामगिरी केली. त्यापैकी सर्वोत्तम ठरलेल्या 6 गोलंदाजांबाबत आपण जाणून घेऊयात.
आयसीसी वनडे वर्ल्ड कप 2023 स्पर्धेतील साखळी फेरीतील सर्व सामने यशस्वीरित्या पार पडले. आता बाद फेरीला 15 नोव्हेंबरपासून सुरुवात होत आहे. या साखळी फेरीत सर्वोत्तम कामगिरी केलेल्या 6 गोलंदाजांबाबत आपण जाणून घेऊयात.
ऑस्ट्रेलियाच्या एडम झॅम्पा वर्ल्ड कप साखळी फेरीतील यशस्वी गोलंदाज ठरला. झॅम्पाने 9 सामन्यात 22 विकेट्स घेतल्या.
श्रीलंकेचं वर्ल्ड कपमधून पॅकअप झालंय. मात्र या स्पर्धेत श्रीलंकेसाठी दिलशान मदुशंका याने सर्वोत्तम कामगिरी केली, मदुशंका याने 9 सामन्यात 21 विकेट्स घेतल्या.
गेराल्ड कोएत्झी यानेही आश्चर्यकारक कामिगरी केली. दक्षिण आफ्रिकेच्या या गोलंदाजाने 18 विकेट्स घेतल्या.
पाकिस्तानकडून शाहीन अफ्रिदी याने सर्वाधिक विकेट्स घेतल्या. शाहीनने 9 सामन्यात 18 विकेट्स घेतल्या.
या यादीत टीम इंडियाचा एकमेव जसप्रीत बुमराह याचा समावेश आहे. बुमराहने 9 सामन्यात 17 विकेट्स मिळवल्या.
दक्षिण आफ्रिकेच्या मार्को जान्सेन यानेही 13 व्या वर्ल्ड कपमध्ये उल्लेखनीय कामगिरी केली. मार्कोने 8 सामन्यात 17 विकेट्स घेतल्या.
