Rohit Sharma इंग्लंड विरुद्धच्या टेस्ट सीरिजसाठी सज्ज, नेट्समध्ये जोरदार सराव
IND vs ENG Test Series | इंग्लंड विरुद्धच्या 5 सामन्यांच्या कसोटी मालिकेसाठी टीम इंडिया सज्ज झाली आहे. टीम इंडिया इंग्लंड विरुद्ध एकूण 5 कसोटी सामने खेळणार आहे. रोहित शर्मा भारताचं कर्णधारपद सांभाळणार आहे. रोहितने या मालिकेआधी जोरदार सराव केला आहे.
मुंबई इंडियन्सने रोहित शर्माचे इंग्लंड विरुद्धच्या कसोटी मालिकेआधी काही फोटो सोशल मीडियावर शेअर केले आहेत. रोहित या फोटोंमध्ये जोरदार सराव करताना दिसतोय.
रोहितने त्याच्या कसोटी कारकीर्दीत आतापर्यंत 54 सामन्यांमधील 92 डावात 3 हजार 737 धावा केल्या आहेत. यामध्ये 10 शतकं आणि 16 अर्धशतकांचा समावेश आहे. रोहितचा कसोटी क्रिकेटमध्ये 212 धावा ही सर्वोच्च कामगिरी आहे.
रोहितने अखेरच्या आंतरराष्ट्रीय सामन्यात अर्थात अफगाणिस्तान विरुद्धच्या तिसऱ्या आणि अखेरच्या टी 20 सामन्यामध्ये 121 धावांची खेळी केली होती. रोहितकडून अशीच खेळी इंग्लंड विरुद्ध अपेक्षित असणार आहे.
रोहितने ऑक्टोबर-नोव्हेंबर 2023 मध्ये फार पडलेल्या वनडे वर्ल्ड कप 2023 मध्ये धमाकेदार कामगिरी केलेली. रोहितने कॅप्टन्सीसह 11 सामन्यांमध्ये 597 धावा केल्या होत्या.
रोहितने आतापर्यंत व्हाईट बॉल क्रिकेट अर्थात वनडे आणि टी 20 मध्ये गगनचुंबी सिक्स खेचले आहेत. तर कसोटीमध्ये रोहितच्या नावावर 77 सिक्स आहेत.
