Kumar Sangakkara: 16 चौकार-11 षटकार, कुमार संगकाराची टीम इंडियाच्या हेल्मेटसह विस्फोटक खेळी
Kumar Sangakkara Indian Helmet: श्रीलंकेचा माजी फलंदाज कुमार संगकारा याची सध्या सोशल मीडियावर चर्चा पाहायला मिळत आहे. संगकाराने एका स्थानिक क्रिकेट स्पर्धेत टीम इंडियाच्या हेल्मेटसह मैदानात दिसला. संगकाराला हा हेल्मेट कुठून मिळाला? जाणून घ्या.
श्रीलंकेचा माजी दिग्गज फलंदाज आणि राजस्थान रॉयल्सचा मुख्य प्रशिक्षक कुमार संगकारा सध्या इंग्लंडमध्ये आहे. संगकारा तिथे व्हिलेज क्रिकेट खेळत आहे. कुमार संगकाराने वयाच्या 48 व्या वर्षीही आपल्यात धावांची भूक असल्याचं बॅटिंगने दाखवून दिलं. मात्र संगकाराच्या हेल्मेटची चर्चा रंगल्याचं पाहायला मिळत आहे. (PHOTO CREDIT- GETTY)
कुमार संगकारा लोकल व्हिलेज क्रिकेटमध्ये टीम शिलिंगस्टोन क्रिकेट क्लबचं प्रतिनिधित्व करतो. कुमार संगकाराने या स्पर्धेतील एका सामन्यात बीसीसीआयचा लोगो असलेला हेल्मेट परिधान केला होता. त्यामुळे संगकाराकडे बीसीसीआयचा लोगो असलेला हेल्मेट कुठून आला? असा प्रश्न क्रिकेट चाहत्यांकडून उपस्थित करण्यात येत आहे. (PHOTO CREDIT- X)
रिपोर्ट्सनुसार, टीम इंडियाचा युवा सलामीवीर फलंदाज यशस्वी जैस्वाल याने कुमार संगकाराला हा हेल्मेट भेट म्हणून दिला होता. यशस्वी आणि संगकारा आयपीएल स्पर्धेत राजस्थान रॉयल्स टीममधील प्रमुख भाग आहेत. यशस्वीने भेट दिलेल्या हेल्मेटचा संगकाराने इथे इंग्लंडमध्ये वापर केला. (PHOTO CREDIT- PTI)
कुमार संगकाराने आपला तोच अंदाज दाखवत लोकल व्हिलेज क्रिकेटमध्ये चाबूक शतकी खेळी केली. कुमारने 168 धावा केल्या. कुमारने या खेळीत 16 चौकार आणि 11 षटकार लगावले. (PHOTO CREDIT- GETTY)
कुमार संगकारा माजी दिग्गज खेळाडूंपैकी एक आहे. संगकाराने आंतरराष्ट्रीय क्रिकेटमध्ये 63 शतकं झळकावले आहेत. तसेच संगकाराने 28 हजार 16 धावा केल्या आहेत.(PHOTO CREDIT- GETTY)
