Suryakumar Yadav : सूर्यकुमार यादवचं आंतरराष्ट्रीय करियर संपलं! बीसीसीआयचे 4 मोठे निर्णय काय?
Indian Cricket Team : बीसीसीआय निवड समितीने आगामी आयर्लंड आणि इंग्लंड विरूद्धच्या टी 20i मालिकेनिमित्ताने 4 मोठे निर्णय घेतले आहेत. जाणून घ्या.
बीसीसीआयने 6 जूनला दुपारी आयर्लंड आणि इंग्लंड विरुद्धच्या टी 20i मालिकेसाठी भारतीय संघाची घोषणा केली. बीसीसीआयने या 2 मालिकेनिमित्ताने घेतलेल्या 4 मोठ्या निर्णयांबाबत जाणून घेऊयात. (Photo Credit : Social Media)
बीसीसीआयने मुंबईकर फलंदाज श्रेयस अय्यर याला भारतीय टी 20i संघाच्या कर्णधारपदी नियुक्त करण्यात आलं आहे. श्रेयसला सूर्यकुमार यादव याच्या जागी नेतृत्वाची धुरा देण्यात आली आहे. (Photo Credit : PTI)
बीसीसीआयने सूर्याला दुहेरी झटका दिला आहे. बीसीसीआयने कर्णधारपदावरुन हटवण्यासह सूर्याला आयर्लंड आणि इंग्लंड विरुद्धच्या दोन्ही टी 20i मालिकांमधून वगळण्यात आलं आहे. सूर्या गेल्या काही वर्षांपासून सातत्याने टी 20 फॉर्मेटमध्ये खेळतोय. तो कसोटी आणि एकदिवसीय संघाचा भाग नाही. त्यात आता सूर्याला दोन्ही मालिकांमधून वगळलं आहे. त्यामुळे सुर्याचं आंतरराष्ट्रीय करियर संपल्याचं म्हटलं जात आहे. (Photo Credit : PTI)
बीसीसीआयने टी 20i कर्णधारासह उपकर्णधारही बदलला आहे. ऑलराउंडर अक्षर पटेल याला हटवून तिलक वर्मा याला उपकर्णधारपदाची सूत्र देण्यात आली आहेत. (Photo Credit : Getty)
तसेच बीसीसीआयने 15 वर्षीय वैभव सूर्यवंशी याला आयर्लंड आणि इंग्लंड विरूद्धच्या टी 20i मालिकेसाठी संधी दिली आहे. वैभवची भारतीय संघात निवड होण्याची ही पहिलीच वेळ ठरली आहे. (Photo Credit : Getty Images)
