श्रेयस अय्यर

श्रेयस अय्यर टीम इंडियाच्या प्रमुख फलंदाजांपैकी एक आहे. श्रेयस देशांतर्गत क्रिकेटमध्ये मुंबईचं प्रतिनिधित्व करतो. श्रेयसने टीम इंडियासाठी आयसीसी वनडे वर्ल्ड कप 2023 आणि चॅम्पियन्स ट्रॉफी 2025 स्पर्धेत उल्लेखनीय कामगिरी केली आहे. श्रेयसने 2015 साली आयपीएल पदार्पण केलं. श्रेयसने आयपीएल स्पर्धेत अनेक संघांचं प्रतिनिधित्व केलं आहे. तसेच श्रेयस अय्यर आयपीएल स्पर्धेच्या इतिहासात 3 संघांना अंतिम फेरीत पोहचवणारा एकमेव कर्णधार आहे. श्रेयसने 2020 साली दिल्ली कॅपिट्ल्स, 2024 साली कोलकाता नाईट रायडर्स आणि 2025 मध्ये त्याच्या नेतृत्वात पंजाब किंग्सला अंतिम फेरीत पोहचवलं आहे. श्रेयसने 2024 साली कोलकाताला त्याच्या नेतृत्वात आयपीएल ट्रॉफी जिंकून दिली आहे.