IND vs AFG तिसर्या टी20 सामन्यासाठी श्रेयस अय्यरचा मोठा निर्णय, संघात फक्त एकच बदल; अशी आहे प्लेइंग 11
भारत आणि अफगाणिस्तान यांच्यात तिसरा टी20 सामना होत आहे. या सामन्यासाठी कर्णधार श्रेयस अय्यरने संघात एकच बदल केला आहे. हा बदल काय आहे ते समजून घ्या.
भारत आणि अफगाणिस्तान यांच्यातील तीन सामन्यांच्या टी20 मालिकेतील शेवटचा आणि तिसरा सामना आज खेळवला जात आहे. या सामन्यात अफगाणिस्तानचा कर्णधार इब्राहिम झद्रानने नाणेफेक जिंकून प्रथम गोलंदाजी करण्याचा निर्णय घेतला आहे. मालिका आधीच खिशात घातलेल्या भारतीय संघाचा कर्णधार श्रेयस अय्यरने या सामन्यात प्लेइंग-11 मध्ये एक मोठा बदल केला आहे. मात्र, चाहत्यांना उत्सुकता असलेल्या युवा फलंदाज वैभव सूर्यवंशीला या सामन्यातही पदार्पणाची संधी मिळालेली नाही. त्यामुळे वैभव सूर्यवंशीच्या चाहत्यांचा भ्रमनिरास झाला आहे. भारतात पहिला आंतरराष्ट्रीय सामना खेळण्याची वैभव सूर्यवंशीची संधी हुकली आहे. आता वेस्ट इंडिजविरुद्धच्या मालिकेत संधी मिळेल की नाही हे पाहावं लागेल. नाणेफेकीच्या वेळी बोलताना भारतीय कर्णधार श्रेयस अय्यर म्हणाला की, “आम्हालाही प्रथम फलंदाजीच करायची होती. प्रथम फलंदाजी करणे आमच्यासाठी एक उत्तम आणि रंजक आव्हान असेल. आम्ही सामन्याच्या प्रत्येक क्षणावर लक्ष केंद्रित करणार असून गोष्टी गुंतागुंतीच्या करणार नाही.”
भारतीय संघात फक्त एकच बदल
भारतीय संघाने आजच्या सामन्यासाठी प्लेइंग 11 मध्ये एक महत्त्वाचा बदल केला आहे. फॉर्मात असलेल्या वेगवान गोलंदाज अर्शदीप सिंगला विश्रांती देण्यात आली असून, त्याच्या जागी यश ठाकूर याला अंतिम अकरामध्ये संधी देण्यात आली आहे. बिहारच्या 14 वर्षीय युवा फलंदाजीचे वादळ वैभव सूर्यवंशी याला या तिसऱ्या सामन्यात तरी पदार्पणाची संधी मिळेल अशी क्रीडाप्रेमींना आशा होती. मालिका भारताने आधीच 2-0 अशी जिंकल्यामुळे बेंच स्ट्रेंथला संधी दिली जाईल असा अंदाज होता, परंतु संघ व्यवस्थापनाने केवळ एकच बदल केल्यामुळे वैभवला या सामन्यातही बाहेरच बसावे लागले आहे.
दोन्ही संघांची प्लेइंग 11
अफगाणिस्तान (प्लेइंग इलेव्हन): इब्राहिम झद्रान (कर्णधार), रहमानउल्ला गुरबाज (डब्ल्यू), सेदीकुल्लाह अटल, अब्दुल्ला अहमदझाई, दरविश रसूली, नूर उल रहमान, अजमातुल्ला उमरझाई, मोहम्मद नबी, रशीद खान, मुजीब उर रहमान, फजलहक फारुकी.
भारत (प्लेइंग इलेव्हन): संजू सॅमसन (विकेटकीपर), अभिषेक शर्मा, इशान किशन, श्रेयस अय्यर (कर्णधार), तिलक वर्मा, नितीश कुमार रेड्डी, शिवम दुबे, अक्षर पटेल, रवी बिश्नोई, यश ठाकूर, जसप्रीत बुमराह.
