मोठी बातमी! दिशा सालियान प्रकरणी आदित्य ठाकरेंना… उद्धव ठाकरेंनी अखेर भूमिका मांडली

दिशा सालियान प्रकरणाशी आपला दुरान्वये संबंध नसल्याचे माजी मुख्यमंत्री उद्धव ठाकरे यांनी ठामपणे स्पष्ट केले आहे. या प्रकरणावर प्रतिक्रिया देताना, अज्ञात आरोपींचा उल्लेख असला तरी आदित्य ठाकरे यांच्यासह अनेक नावे यात ओढली जात असल्याबद्दल त्यांनी आश्चर्य व्यक्त केले. आपला किंवा आपल्या कुटुंबाचा या प्रकरणाशी कोणताही संबंध नाही, असे आदित्य ठाकरे यांनीही यापूर्वी सांगितले होते. कोणाशी आमची ओळख पाळख नाही, असे ते म्हणाले. यावर अधिक बोलताना उद्धव ठाकरे यांनी उपरोधिकपणे, या प्रकरणात मोदी आणि ट्रम्प यांचे नाव का नाही, याचे मला आश्चर्य वाटते, असे म्हटले.

दिशा सालियान यांच्यावर घडलेली घटना अत्यंत दुर्दैवी होती, पण तिचा आमच्याशी दुरान्वये संबंध नाही, असेही त्यांनी नमूद केले. दरम्यान, दिशा सालियान यांचे वडील सतीश सालियान हे वकिलांसोबत शनिवारी १९ तारखेला मातोश्रीवर जाणार असल्याची माहिती समोर आली आहे. आदित्य ठाकरे यांनी केलेल्या सोशल मीडिया पोस्ट विरोधात त्यांना ५०० कोटी रुपयांची मानहानीची नोटीस बजावण्यात येणार आहे. सतीश सालियान यांच्या वकिलांनी ही माहिती दिली आहे.