IPL 2023 स्पर्धेतील शतकवीर! वेंकटेश अय्यर आणि प्रभसिमरन सिंहसह कोण कोण आहेत यादीत? वाचा
प्रभासिमरन सिंह हा या आयपीएल 16 मोसमात शतक करणारा दुसरा अनकॅप्ड आणि एकूण 5 वा फलंदाज ठरलाय. या हंगामात प्रभासिमरन याच्याआधी हॅरी ब्रूक, वेंकटेश अय्यर, यशस्वी जयस्वाल (अनकॅप्ड) आणि सूर्यकुमार यादव यांनी शतक ठोकलं आहे. अनकॅप्ड म्हणजे आंतरराष्ट्रीय पातळीवर न खेळलेला खेळाडू.
दिल्ली कॅपिटल्स विरुद्धच्या सामन्यात प्रभसिमरन सिंह यांनी 65 चेंडूत 103 धावा केल्या. यात 6 षटकार आणि 10 चौकरांचा समावेश आहे.
केकेआरसाठी तिसऱ्या नंबरवर फलंदाजीसाठी आलेल्या वेंकटेश अय्यरने 49 चेंडूत शतक ठोकलं. वेंकटेश अय्यरचं हे पहिलं शतक आहे. तसेच आयपीएल 2023 स्पर्धेत शतक ठोकणारा पहिला भारतीय फलंदाज आहे.
राजस्थान रॉयल्सकडून खेळताना यशस्वी जयस्वालने शतक ठोकलं. वानखेडे स्टेडियमवर मुंबई इंडियन्स विरुद्धच्या सामन्यात ही कामगिरी केली. जयस्वालने 62 चेंडूत 8 षटकार आणि 16 चौकारांच्या मदतीनं 124 धावांची शतकी खेळी साकारली.
सूर्यकुमार यादवने गुजरात विरुद्धच्या समन्यात शतक ठोकलं. सूर्यकुमार यादवने 49 चेंडूत नाबाद 103 धावा केल्या. या खेळईत 11 चौकार आणि 6 षटकारांचा समावेश आहे.
सनराईजर्स हैदराबादकडून खेळताना हॅरी ब्रुकने 55 चेंडूत नाबाबत 100 धावांची खेळी केली. यात 12 चौकार आणि 3 षटकारांचा समावेश होता.
