IPL 2026: सनरायझर्स हैदराबादच्या तीन खेळाडूंनी ठोकल्या 400हून अधिक धावा, 81 षटकारही मारले
आयपीएल 2026 स्पर्धेत सनरायझर्स हैदराबादने चमकदार कामगिरी करून गुणतालिकेत पहिलं स्थान गाठलं आहे. पंजाब किंग्सला पराभूत करून 14 गुणांची कमाई केली आहे. या संघातील फलंदाजांनी पुन्हा एकदा कमाल केली आहे. या पर्वात तीन खेळाडू ऑरेंज कॅपच्या शर्यतीत आहेत.
सनरायझर्स हैदराबाद संघाची ताकद ही फलंदाजी आहे. फलंदाजांचा स्ट्राईक रेट पाहिला तर त्याचा अंदाज येतो. या पर्वात सनरायझर्स हैदराबादच्या फलंदाजांनी जबरदस्त कामगिरी केली आहे. हैदराबाद संघाची टॉप ऑर्डर जबरदस्त फॉर्मात आहे. पाच पैकी तीन फलंदाज हे ऑरेंज कॅपच्या शर्यतीत आहेत. (Photo: PTI)
ऑरेंज कॅपच्या शर्यतीत हेनरिक क्लासेन हा आघाडीवर आहे. खरं तर हेनरिक क्लासेन हा मधल्या फळीत हैदराबाद संघाचा कणा आहे. त्याने 11 सामन्यात 54 पेक्षा जास्तीच्या सरासरीने 494 धावा केल्या आहेत. या पर्वात त्याने पाच अर्धशतकं ठोकली आहेत. तसेच 23 षटकार मारले आहेत. (Photo: PTI)
ऑरेंज कॅपच्या शर्यतीत अभिषेक शर्मा दुसर्या क्रमांकावर आहे. त्याने 47.5 च्या सरासरीने 475 धावा केल्या आहेत. त्याचा स्ट्राईक रेट हा 210 चा आहे. त्याने एक शतक आणि तीन अर्धशतकं ठोकली आहेत. अभिषेक शर्माने आतापर्यंत 36 षटकार मारले आहेत. (Photo: PTI)
ऑरेंज कॅपच्या शर्यतीत विकेटकीपर फलंदाज इशान किशन चौथ्या स्थानावर आहे. डावखुऱ्या इशान किशनने आतापर्यंत 409 धावा केल्या आहेत. त्याचा स्ट्राईक रेट हा 180 पेक्षा जास्त आहे. इशानने आतापर्यंत 22 षटकार मारले आहेत. (Photo: PTI)
पंजाब किंग्सविरुद्ध या तिन्ही खेळाडूंनी जबरदस्त कामगिरी केली. अभिषेक शर्माने 13 चेंडूत 35, इशान किशनने 55 धावा आणि हेनरिक क्लासेनने 69 धावांची खेळी केली. (Photo: PTI)
